عن الوكالات ////
رئيس امريكا ولى بحالو بحال مكي الصخيرات. بحال هادوك الشوافات. البارح تساءل فمؤتمر صحافي عن امكانية علاج اللي ضربهم “كورونا فيروس” بيدگ فيهم بحال جافيل وغيرو من مواد مطهرة. ترامب زاد تخربيقة اخرى فمؤتمر صحافي دارو باش قال خاص جسم بنادم اللي فيه هاد الفيروس يتعرض لاشعة فوق بنفسجية. طبيبة كانت معاه فالمؤتمر ما كرهاتش الارض تفتح وتخشى فيها. رئيس اكبر دولة فالعالم صدق شي مسؤول فالبيت الابيض قال باللي جافيل واشعة الشمش تقتل كورونا فيروس.
اطباء ردو عليه ودارو حملة كبيرة ما تصدقوش اش قال ترامب. شددو باللي جافيل وامثالو خطير بزاف على الجسم وسام وباللي ايلى ضرب شي حد لبرا فيها هاد الشي يموت وذكرو باللي استخدام هاد الشي خارجيا كيضر الجلد والعين والجهار التنفي.
