كود- كازا//
فتحات المصلحة الإقليمية للشرطة القضائية فآسفي بحث تمهيدي، تحت إشراف النيابة العامة المختصة، اليوم السبت، بعدما دخل واحد فدراري صغار بطوموبيلتو بسبب خلاف بيناتهم، وقتل واحد فيهم وتصابو 4 بجروح طفيفة.
وحسب بلاغ دالمديرية العامة للأمن الوطني، فالدادي كانو كيلعبو بالما وكيضاربو بالبيض حدا البحر، وقاسو مول الطوموبيل، وهو يرجع بطوموبيلتو للور ويضربهم بشكل متعمد، واحد فيهم مات فالبلاصة والربعة لخرين سافطهم للسبيطار.
والمشتبه فيه (27 سنة) تحط فالحراسة النظرية، تحت إشراف النيابة المتخصصة والبحث اللي دايراه الشرطة القضاية فهذ القضية، حتى تعرف ظروفها وملابساتها