نجوى المالحي-كود//
كيقول واحد المثل مغربي “كيت لي جات فيه”، هادشي لي كينطبق على الممثلة حبيبة عياش لي ضاربة الدنيا بطالون وممسوقاش للحكم الصادر ضد ختها عيشة عياش لي متورطة مع عصابة حمزة مون بيبي ولي حاليا كينة في حبس الوداية كتخلص على الأخطاء لي دارت بيدها.
حبيبة احتافلت البارح بعيد ميلادها في دبي مع بنات بلادها لي مستقرات تما (نهيلة أبو حليفة، دينا أقصبي..).
الاحتفال كان شاخد، بداوه بيخت وسط البحر وسالاوه وسط بواط، وصحاباتها جابو ليها كادوات داكشي سينيي بين الصيكان وروايح وتلفون آيفون آخر ماكين.
حبيبة عياش لي واحد الوقت اختفت على الانظار وتقصحت بالفعايل لي كدير ختها، خرجات دابا من القوقعة ديالها ودارت بالمثل ديال “كل واحد يتعلق من كراعو”.
