نجوى المالحي – كود //
خرجات الممثلة نرجس الحلاق لي كتعيش في كندا، باش تكذب الشائعات لي رايجة بطريقة او بأخرى من سينين هادي، ولي كتقول أنها في علاقة مع الممثل للكوميدي المشهور لي كيعيش في نفس البلاد، حسن الفد، وحتى شائعة أخرى لي قالت أنها كانت مرتبطة رسميا بمهدي فولان ولد حسن فولان.
نرجس كتبات ستوري في حسابها على أنستكَرام، بسبب التعليقات جاتها على تصاورها، وقالت ان راجلها ولي حاملة منو ما مشهورش، وكبر منها ببعض أشهر فقط، وما غاديش تبينو للناس، لأنها اختارت انه يبقى في الظل.
نرجس الحلاق، كانت ديما لاصقة فيها شائعة علاقتها بحسن الفد، وحتى المقربين منهم كانوا كأيكدو أنهم مزوجين في كندا، في الوقت لي كانو ناس آخرين كيقولو أنها مصاحبة مع المهدي فولان، وهادشي طبعا بسبب علاقتها القريبة مع عائلتو.
