عفراء علوي محمدي- كود//
طاحت دار مهجورة فالمدينة القديمة فكازا، اليوم الأربعاء، بلا ما تخلف حتى شي خسائر فالأرواح.
وحسب مصادر من عين المكان، أكدو شهود عيان أن السلطات المحلية كانت حذرات بسقوط مجموعة من البنايات فدرب المعيزي، اللي خلا مجموعة منهم يخويوها ويستفدو من برنامج إعادة الإسكان فكازا، لكن فالمقابل كاين ناس باقيين مغامرين وساكنين فديور كثار مهددة بالسقوط فنفس المكان.
والجماعة تكلفات بجمع بقايا الركام ديال الدار بالطراكسات.