فيديو.. جمال يوسف ينهار على الهواء أثناء تحدثه عن مرضه
فيديو.. جمال يوسف ينهار على الهواء أثناء تحدثه عن مرضه
انهار الفنان جمال يوسف، أثناء تحدثه عن تفاصيل إصابته بسرطان البلعوم .وأضاف " يوسف" خلال لقائه برنامج " صباح البلد"، المذاع عبر فضائية " صدى البلد"، اليوم الأربعاء، أنه أصيب بسرطان البلعوم منذ 6 أشهر ولم يعلم أحد به إلا مؤخرا، قائلا :" عملت 35 جلسة إشعاع لحد لما وشي ولساني اتحرقوا .. ولم أتناول الطعام أو الشرب منذ بداية المرض وكنت عايش على المحاليل ".
وتابع " الدكتور تامر النحاس اللي بيعالجني قالي نوقف جلسات علشان جسمي ضعف .. وبعدين كنت قاعد مرة في الأوضة لقيت ابني دخل عليا وقعد يقنعني إني أكمل علاج وقال لي كلمة أرجوك أن عايزك تتعالج وتقوم أنا حاسس إني ظهري انكسر من غيرك"، مضيفا :" رحت رايح للدكتور وقلت له أنا عايز أكمل علاج علشان أعرف أربي عيالي " .
وواصل :" مش خايف من الموت أنا الحمد لله قربت من ربنا بس عايز اقعد شوية علشان استغفر واعرف أقابل ربنا "، مستطردا :" أنا عايش على المحاليل من شهر رمضان ولم أتناول الطعام إلا مؤخرا ".
