عفراء علوي محمدي- كود//
تداولو نشطاء على مواقع التواصل الاجتماعي فيديو واحد السيد فكلينيك فدرب غلف فكازا، كيغوت ويحتج بعدما بدلو جثة الوالد ديالو اللي مات غير اليوم بجثة شخص آخر.
وقال السيد فالفيديو، اللي انتشرات على أوسع نطاق، أن باه فالغالب عطاوه لأسرة خرى، ويقدر يكون تدفن دابا، وصرح بللي ماعندو حتى علم بشكون هذ الأسرة.
وزاد كيوضح أن باه مريض بالبروستات والكلاوي، وكان عيان شوية، وجابو للمصحة، وغير قبل بنهار على إعلان الموت ديالو كان فصحة جيدة وكيتحرك عادي.
واتهم ولد السيد اللي مات المصحة بالإهمال والاستهتار، وقال أنها حاجة ساهلة يعطيو لكل اسرة الجثة ديال الفقيد ديالها بلا مشاكل، وإلى كانو بدلوهم وتخالطو لبهم فما بالك بالادوية اللي كتعطى للمرضى.