نجوى المالحي-كود//
مازال الدعم لي عطات وزارة الثقافة للفنانين منوض العجاج على مواقع التواصل الاجتماعي، وخصوصا بين الفنانين لي ما فهموش عارش البعض خدا واخرين لا بحال لطيفة رأفت والرابور ديزي دروس.
ديزي حيح في الستوريات على حسابو في أنستكَرام وقال بإن الدولة عندها مفهوم خاطئ على توزيع الثروة، لأنها كتحيد من الضرائب من جيب الإنسان الفقير باش تعطيه لمجموعة من الناس لي غادي يديرو أغنية ولا فيديو كليب.
ديزي هدر على الدعم لي تعطى لنعمان لحلو، وقال أنه معندو حتى شي مشكل شخصي معاه، غير مافهمش كيفاش يستافد من الدعم باش يكتب أنشودة ديال المخيم غادي يسمعها غير هو وولادو، والكليب غادي يصورو في غابة بوسكورة، وهادشي كامل شاد عليه دعم ديال 16 مليون. ماشي معقولة.
ديزي دروس كلاشا نعمان لحلو
Publiée par Goud.ma sur Mercredi 30 septembre 2020
