عفراء علوي محمدي – كود//
علنات الممثلة المثيرة للجدل، لبنى أبيضار، أنها كتتعرض للترهيب والتهديد بالقتل بعدما نشرات نكتة عادية ففيسبوك.
على نكتة عادية كنتعرض لهجوم خطير وتهديد بالقتل سواء عبر التلفون أو الإميل أو المسنجر .وراه فأفغاستان ولى إيران ولى اليمن…
Publiée par Loubna Abidar sur Mercredi 7 octobre 2020
وكشفات أبيضار، فتدوينة ليها، أنها كتتلقى تهديدات كثيرة فالتيليفون والإيمايل والميسنجر، وشي رقم كيعيط ليها بزاف، وهو الرقم اللي حطاتو للعموم وقالت “نشرتو حنت كيحلف يغتاصب ليا بنتي، زعما إلى تعدا عليها راه نصف دينو !!”
وزادت: “على نكتة عادية كنتعرض للهجوم والتهديد بالقتل وكنعيش إرهاب نفسي خطير…وراه فأفغاستان ولى إيران ولى اليمن أو مصر ميدروش هاد الحالة !!”
وكانت أبيضار حطات ففيسبوك ديالها نكتة عادية، ديجا كيتم تداولها على نطاق واسع فمواقع التواصل الاجتماعي، فيها آيات قرآنية، لكن مافيها حتى شي إساءة للدين، غير وكان كاين اللي خداها من هذ المنطلق وروجر لاستهزاء لبنى بالإسلام باش يصفيو حسابهم معاها، وهذشي جبد عليها الصداع.
ﻣﻐﺮﺑﻲ ﻭﻛﻮﻳﺘﻲ ﻭإﻣﺎﺭﺍﺗﻲ ﻭﺳﻌﻮﺩﻱ ﺍﺷﺘﺮﻭ ﺩﺟﺎﺟﺔ ﻭﺫﺑﺤﻮﻫﺎ ﻭﺑﺎﺷﺮﻭ ﻓﻲ ﻃﺒﺨﻬﺎ ﻭﺍﺗﻔﻘﻮ ﻓﻴﻤﺎ ﺑﻴﻨﻬﻢ أﻥ ﻛﻞ ﻣﻦ ﻳﺤﻔﻆ آﻳﺔ ﻣﻦ ﺍﻟﻘﺮﺁﻥ ﻓﻴﻬﺎ ﺍﺳﻢ…
Publiée par Loubna Abidar sur Mardi 6 octobre 2020
