كود سبور///
اليوم الخميس 9 أكتوبر دايز ماتش حاسم عند فريق المغرب الرياضي الفاسي اللّي هادي 4 سنوات وهو فالقسم الوطني الثاني الماص عندها ماتش مع وداد تمارة برسم آخر دورات المجموعة الوطنية الثانية ومعولة باش تطلع لقسم الصفوة.
هاد المباراة الصعبة غادي تلعب فتيران الحسن الثاني وسط مدينة فاس وبطبيعة الحال بلا جماهير نظرا للتدابير الاحترازية التي اتخذتها السلطات العمومية لمواجهة تفشي “كورونا”. الماتش غادي يبدا مع 13 و45 دقيقة.
قبل ساعة من انطلاق المباراة الجماهير الفاسية خرجو اللاعبين ديال من الأوطيل فين نازلين. كان فاستقبالهم العشرات من الجماهير لي طلقات الشهب باللونين الأصفر والأسود. شعارات ترفعات باش تشجع اللاعبين . معونيات ديالهوم طالعة.
منذ الساعات الماضية عاش محبو الفريق الفاسي حالة من الترقب. كاين اللّي طلق حملة على مواقع التواصل الاجتماعي واختار ليها شعار “جيبوها تزهى المدينة”، وكاين اللّي عبر على حبو للماص بلبس أقمصة الفريق الفاسي.
عدد من التدوينات الفايسبوكية بانت لتحفيز الفريق الأصفر. كاين لي قال على أن فاس متعطشة لشي حاجة تفرحها”، “ديرو اللّي عليهكوم وكثر بغينا نفرح الله يرحم الوالدين”، “جيبوها يا الرجال وفرجوها على لمدينة”.
دبا الماص الاحتمالات اللّي عندها باش تطلع خاصها تربح هاد الماتش بأي طريقة، أو تتعادل وحتى الدشيرة تتعادل مع شباب الريف الحسمي، وحالة التعادل وفوز الدشيرة بأقل من 5 أهداف بشرط أن ينتصر أيضا النادي السالمي ليتم اللجوء للنسبة العامة التي في صالح الماص.
Publiée par Maghreb Association Sportive de Fès sur Vendredi 9 octobre 2020
