نجوى المالحي-كود//
من بعد أسابيع طويلة، الحلقة النهائية من برنامج اكتشاف المواهب “ذا فويس” ديال الدراري الصغار في نسختو الفرنسية غادي يسالي اليوم السبت.
هاد النهائي الاستثنائي مشارك فيه فرنسي من اصول مغربية، اسميتو “إينزو” قدر يخطف قلب لجنة التحكيم وينافس أصوات قوية ويوصل للمرحلة الأخيرة، ومن اول حلقة اختار الرابور سوبرانو يكون الكوتش ديالو.
الطفل العائلة ديالو مستقرة في هونك كونك وشد الطريق لفرانسا باش يوجد راسو وينافس على اللقب لي مازال عمر شي مغربي في فرانسا ماداه.
واختار اينزو يغني اغنية إيمينيم “lose yourself” لي كان خدا عليها اوسكار احسن اغنية فيلم على “8 miles “.
