عاجل. ايلى قالها الحموشي يگد بيها وحملة الايادي النظيفة ضربات ضرسة صحيحة.  لجنة مراقبة الريسطورات كتشفات فضايح عند مطاعم الطاشرون برادة وفينك يا طاطا مرجانة وفين صاحبك اللي الفوق الفوق يعاونوك دابا .

كود كازا ///

الطاشرون برادة رجع ريسطورات ديالو بارات

Publiée par Goud.ma sur Samedi 10 octobre 2020

علمت “كود” ان رجال الحموشي دايرين انزال بمطعم “لاكورنيش” ديال الطاشرون هشام برادة مول “بالموري”. ووفق مصدر “كود” فان لجنة مراقبة الاماكن العمومية لقات خروقات كثيرة. مصدر “كود” تحدث عن تحويل تصنيف من ريسطو الى بار. اي انهم كيبيعو الطاسة بلا ماكلة.

القانون اللي سمح للريسطورات فكازا يفتحو فيه انهم خاص تكون الماكلة واللي بغى يشرب يشرب. فيديو حصلات عليه “كود” بينات مطعم هاد الطاشرون مخالف القانون اللي خدامين فيه الريسطورات.

هاد الريسطو كان تحدى كلشي. طبعا مرات هاد الطاشرون واسمها طاطا مرجانة كانت كتقول باللي ما تسمح حتى لشي حد يقرب لمطاعم ديالها وديال راجلها.
البارح خرج فيديو فيه ماشي غير مخالفة للقانون بل اعتداء على زبون. خرجو سيكوريتي بحال شي خنشة ولاحو برا.

هاد الشي اللي وقع اليوم كيدخل فاطار حملة الايادي النظيفة اللي كان طلقها المدير العام للامن الوطني لمراقبة كاع ريسطورات عين الدياب فكازا ومدى احترامها للقانون.

دابا اليوم بان باللي حتى محلات طاطا مرجانة يمكن يطبق فيها القانون.

تاريخ الخبر: 2020-10-10 20:14:20
المصدر: كود - المغرب
التصنيف: غير مصنف
مستوى الصحة: 45%
الأهمية: 53%

آخر الأخبار حول العالم

المزيد من الأخبار

مواضيع من موسوعة كشاف

سحابة الكلمات المفتاحية، مما يبحث عنه الزوار في كشاف:

تحميل تطبيق المنصة العربية