كانساند فرانسا ضد الارهاب و الهمجية لي كاتتعرض ليها و غانتقدا من كارفور كيما ديما و غاندير المازوط فطوطال و ماكاين غي دانون و لافاش كيغي تايبان الحق ! .

سهام البارودي – كود//

علاش ماغانقاطعش فرانسا ؟

1-اولا و بعد بسم الله الرحمن الرحيم حيت أنا كانآمن بحرية التعبير و بلي من حق اي واحد يعبر على الرأي ديالو حول شخصية تاريخية فحال نبي الاسلام محمد (ص) بالطريقة لي بغا : كاريكاتور، مسرحية، فيلم ، طابلو …) ماكاين ما ولكن ! حرية التعبير هي اساس الديموقراطية ! و لنفرض اذا ماعجبنيش شي كاريكاتور غانرد عليه بكاريكاتور ماشي بذبيحة و افلام و مقاطعات تحت شعار “ضربني و بكا و سبقني و شكا”

2- مورا الحادث ديال اليوم و الاعتداء على ناس داخل الكنيسة فنيس تأكدت بلي فرانسا بصح كاتعاني مع الارهاب و الهمجية ديال الاسلاميين المتشددين لي باغين يفرضو الرؤية ديالهم عليها و يبززو عليها ترضخ ليهم ! يا قمعي حرية التعبير عندك يا غانذبحو ليك ولادك و نخلعو ليك شعبك

3- كاتعجبني فرانسا كبلاد و حضارة و كثقافة ! بلاد الحريات و النقا و فلاسفة الانوار ! البلاد لي عندها فضل كبير بزاف على الانسانية كاملة ! مسلمين و مسيحيين و يهود و بوذيين و لادينيين ! الحضارة الانسانية كاملة استافدات من خير فرانسا فالأدب و الفلسفة و الاقتصاد و الطب ! المخترع ديال الكتابة للعميين براي فرنسي ! باستور المخترع ديال الفاكسان د السعار ( لي خاص يدگ لشي وحدين اليوم فالمساطة! فرنسي! ماري كوري فرنسية ! العالم لوك مونطينيي مكتشف الفيروس المسؤول عن مرض السيدا فرنسي !  بلا مانهضرو على خير فرانسا فالابداع و الموسيقى و الأناقة و العطور …

4-  فرانسا كان ليها الفضل بطريقة مباشرة فتعليم العيالات فالمغرب و ادماجهم فسوق الشغل !

5-فرانسا هازة جالية مغربية كبيرة لي بدورها كاتحول العملة الصعبة للبلاد و لي لاوقفات التحويلات ديالها بزاف د الاسر غاياكلو التراب

6- فرانسا شريك اقتصادي مهم للمغرب ! و اول مستثمر عندنا ! خدامين المغاربة فوزيناتهم و شركاتهم و معاملهم و مقاطعة فرانسا كاتعني الضرب فمصالح المغرب الاستراتيجية

7- فرانسا مساندة ديما لملف المغرب فقضية الصحراء و من المدافعين على الحكم الذاتي

8- فرانسا عندنا معاها تاريخ مشترك فيه لي زوين و لي خايب و لكن حنا ولاد اليوم و اليوم نقدرو نستافدو من فرانسا كشريك اقتصادي و سياسي مهم اكثر ماغانستافدو من دول كاتجمعنا معاها نفس اللغة او نفس الدين

9- فرانسا كانت من ديما ملجأ للمقموعين فبلاداتهم ! للمطرودين و للاجئين ! اطعمتهم من جوع و آمنتهم من خوف و ديك حرية التعبير لي اليوم ماعاجباش بزاف د الناس هي باش دوك اللاجئين السياسيين و الانسانيين اليوم عايشين تما

هاد الاسباب كاملة كاتخليني اليوم مانقاطعش منتوجات فرانسا ! بالعكس غانساند فرانسا و غانتقدا من الشركات ديالها لي كاينة فالمغرب حيت هي شركات مغربية كاتخدم يد عاملة مغربية و أطر مغاربة و شيافر مغاربة و عيالات مغاربة و كاتخلص الضرائب للدولة المغربية ! غانشري منتوجات دانون و خصوصا داك جوكي بنين ولد الحرام و غاندير المازوط فطوطال حيت الدراري تما الله يعمرها دار و غاندهن الخبز ديالي الصباح بلافاش كيري تايبان الحق!

بالنسبة لدوك المنتوجات الغالية فحال الكساوي ديال ديور و الروايح ديال لوي فيطون مخلياهم تايوصلني حقي من ديك البركة لي كاتسيفط ليا الماسونية كل شهر باش نكتب هاد الهضرة ( هههه )

تاريخ الخبر: 2020-10-30 17:16:42
المصدر: كود - المغرب
التصنيف: غير مصنف
مستوى الصحة: 60%
الأهمية: 55%

آخر الأخبار حول العالم

الحكومة: رفع نسبة الاكتفاء الذاتى من القمح لـ45% عام 2026/2025

المصدر: اليوم السابع - مصر التصنيف: غير مصنف
تاريخ الخبر: 2024-03-29 09:22:38
مستوى الصحة: 45% الأهمية: 42%

88% من القراء يطالبون بتشديد الرقابة على مراكز العلاج من الإدمان

المصدر: اليوم السابع - مصر التصنيف: غير مصنف
تاريخ الخبر: 2024-03-29 09:22:34
مستوى الصحة: 38% الأهمية: 36%

سنن يوم الجمعة.. الاغتسال والتطيب وقراءة سورة الكهف ولبس أحسن الثياب

المصدر: اليوم السابع - مصر التصنيف: غير مصنف
تاريخ الخبر: 2024-03-29 09:22:36
مستوى الصحة: 32% الأهمية: 39%

متى تفيد الثقة المتداول في سوق الأسهم؟ ومتى تؤذيه؟

المصدر: أرقام - الإمارات التصنيف: إقتصاد
تاريخ الخبر: 2024-03-29 09:25:04
مستوى الصحة: 44% الأهمية: 48%

6 نصائح سحرية للحفاظ على جهازك التنفسى من العدوى فى رمضان

المصدر: اليوم السابع - مصر التصنيف: غير مصنف
تاريخ الخبر: 2024-03-29 09:22:40
مستوى الصحة: 36% الأهمية: 37%

المزيد من الأخبار

مواضيع من موسوعة كشاف

سحابة الكلمات المفتاحية، مما يبحث عنه الزوار في كشاف:

تحميل تطبيق المنصة العربية