أسماء غربي -كود//
هاد الصباح ومباشرة من بعد خبر اعتقال سفيان البحري كان داير صفحة باسم الملك محمد السادس في فيسبوك، هو ونادية الداودي بنت الوزير السابق لحسن الداودي، القيادي في العدالة والتنمية، تم تداول تصويرة ديال واحد السيدة على أساس أنها هي نادية.
هاد العشية السيدة لي سميتها رانيا خرجات في حسابها الرسمي على انستكَرام وقالت أنها تفاجآت بتداول تصاورها، وحتى عائلتها تخلعو ومافهمات لا هي لاهما شنو واقع.
https://www.facebook.com/1292968250744243/posts/4563295307044838/?vh=e&d=n
وتواصلات رانيا مع الأدمينات ديال الصفحات باش يحيدو تصويرتها وقالت ليهم أنها عطاتهم مهلة 24 ساعة، الا ممسحوش تصاورها غادي تدعيهم، ووضحات أن هادشي خيب، ويقدر يضر الشخص المعني بالامر.
واضافت رانيا: “أنا ماضربت ما سكرت، وملي نديرها غادي نقولها ليكم”.
