كود كازا ///
فضايح وزير الخارجية والتعاون ناصر بوريطة فتعييناتو بدات كتبان. بوريطة جاب لمديرية التواصل والديبلوماسية غير الحكومية… بلا ما عمرها كانت عندها تجربة فالعمل الديبلوماسي كيف كتقول شروط هاد المنصب. من نهار اللول بان العربون. عوض تبان خدمتها كديبلوماسية وهاد المهنة عندها اعراف وعندها تقاليد٬ قلباتها معاطية مع اللي يسوى واللي ما يساوش فتويتر.
اييه جاوبات شي حد بطريقة كتفتقد للباقة الديبلوماسية.
دابا هاد بوريطة اللي عندو عقد كثيرة مع لمرا اللي فيدها وعندها شخصية قوية٬ بين على رؤيتو للي جا فخطاب رئيس الدولة باش قال خاص تجيبو الناس اللي فيديهم للمناصب العليا.
بوريطة وفق مصادر من الخارجية ل”كود” هاد ليام مقلق بزاف. اللي بان ليه يدور فيه. خايف على راسو
لفضيحة ان هاد المعاطية جات فالوقت اللي بلاد فيها مشاكل وعلى جبهات. ها كورونا للي قصحات البلاد اقتصاديا والاهم ها الكركرات وتبعات هاد الازمة. هنا محتاجين الديبلوماسية. دابا ناس البوليساريو كيروجو خطابهم ف”السي ان ان” =الفيديو” وحنا جابو لينا وحدة عاطياها لمعاطية فتويتر. شفتو مستوى بوريطة كيف داير.