عادت الإعلامية ريهام سعيد لإظهار العين الحمراء لكل من ينتقدها، بعد تزايد التعليقات المسيئة على صورها الأخيرة، وتلميحات البعض بأن وزنها زائد، وطلبت من متابعيها التركيز في حياتها، مؤكدة أن وزنها ثابت منذ 10 سنوات.
ريهام خضعت لعدة جلسات تصوير تمهيدا لعودة برنامجها "صبايا الخير" بعد فترة توقف استمرت أكثر من عام ونصف، وتلقت تعليقات جارحة بسبب طريقتها في اختيار اطلالات جريئة عن المعتاد، كما المح البعض أن جلوسها في المنزل طوال العام الماضي تسبب في زيادة واضحة بالوزن، وردت عليهم بنشر صورتين لها من زمنين مختلفين، لتؤكد أنها لم تتغير.
View this post on Instagram
وأضافت تعليقا عبر حسابها بموقع إنستقرام قالت فيه: إلى بيقولوا اتغيرتي دي أنا وطول عمري بسيطة وشايفه إن لو الحاجة مش مبتذله تبقي شيك وكل واحد حر، الصورة الثانية دي من أربع سنين وموجودة على كل المواقع وبتنزل في كل الأخبار، أيه الفرق ذراعي هو ذراعي والله بس تخنت عشره كيلو.
تابعت قائلة: للعالم المريضة ركزوا فحياتكما يا ملائكة وارحمونا من أحكامكم وآراءكم الي مالهاش أي قيمة . ولا انتوا ملائكة ولا ليكوا الحق في الحكم علي الناس الكلام ده للقلة القليلة المريضة اللى جواها غضب بتطلعه على بروفايلات الناس المشاهير.
وواصلت ردها الغاضب بقولها: مش فاهمه فكرة إنك تتابع واحد عشان تنتقده إنت مالك. دي أنا بسيطة وحره وشيك وعمري ما كنت حاجة غير كده ودي طبيعتي اللي مصدوم أكيد مش ها روح البرنامج كده لأن ماينفعش الواحد يروح البنك لو موظف بشورت. الدليل على إنكوا ولا بتفهموا في الدين ولا تعرفوه إن الدين قال ان الكلمة الطيبة صدقة انتوا وصل بيكوا التنمر انكوا بتحكموا مين داخل الجنة ومين داخل النار.
واختتمت ردها قائلة: وإن تقل خيرا أو لتصمت، ارحمونا بقي من العقد ومن قلة الأدب. ناس بتبان في منتهي التقوى من ناحية المظهر وهي منحرف انحراف رهيب. لما مايعجبكش حد أبعد عنه وادعيله بالهداية مع إن مجرد إنك تحكم على حد وعلى علاقته بربنا انت الي محتاج ندعي لك بالهداية.
لمشاهدة أجمل صور المشاهير زوروا أنستغرام سيدتي
