كود كازا //
الزلزال اللي دارتو قضية عصابة الابتزاز باسم الصحافة فجهاز القضاء بدا كيبان. ذكرو اسماء فيهم قيادي من الودادية الحسنية للقضاة. وفق ما خرج من اجتماع الجمعة ماشي غير داك البيان اللي بارد. كانت الهدرة على القضية.
الودادية وفق ما خرج من اجتماعها طبقات الفصل 7 من النظام الاساسي ديالها وعينات لجنة باش تسمع لهاد القاضي وغادية توجد تقرير باش تعرضو على المكتب المركزي ف15 اليوم اللي جاية. زائد هاد الشي بدات مسطرة تجريدو من العضوية
الودادية قررات باش تجري على اي واحد كيفما كانت عضويتو يسيء لاهداف ومبادىء الودادية.
هاد الشي كانو يديروه فالبيان ماشي يديرو جوجت نقاط للصحافيين اللي هدرو على الموضوع وفيه تهديد.
مصادر ل”كود” قالت باللي راه الودادية فيها اعضاء كثار ولا بان الدغل فشي عضو ماشي ادانة للودادية بل ادانة لهاداك الفرد