كود- كازا//
كشفات المندوبية السامية للتخطيط، ف”مذكرة ليها حول العنف ضد النساء والفايات”، أنه ف2019، 7,6 مليون مرا، عانات من عنف واحد على الأقل، أي بنسبة 57,1 فالمية، منهم 5,1 مليون أي 58,3 فالمية فالمنطقة الحضارية، و2,5 مليون أي 55 فالمية فالمنطقة القروية.
وحسب العمر، 70,7 فالمية من اللي بين 15 و19 لعام تعرضو للعنف هذ العام، بحيث كيتجاوز معدل انتشار العنف وسطهم المعدل الوطني، بينما تعرضو 65,8 فالمية للعنف بين سن ال20 و24.
أما بالنسبة للنساء اللي فايتين 50 عام، ف51,6 فالمية من اللي قل من 54 كيعانيو من العنف، و46 فالمية من اللي بين 55 و59 كيتعنفو، و33,2 فالمية كيتعنفو من اللي بين 60 و74، وهذا كيعني أنه كلما زادو العيالات فلاج ف
تقللات نسبة العنف فيهم.
وعلى المستوى الدراسي، التعليم مكيحميش المرا من العنف، بحيث كتعاني منو حتى المرا المتعلمة، وكتبلغ نسبة انتشار العنف عند النساء اللي وصلو للتعليم العالي 62,7 فالمية، و65 صحابات المستوى الثانوي والإعدادي، مقابل 49,6 فالمية من النساء بدون مستوى تعليمي.
وحسب نوع النشاط، فالعيالات غير النشيطات، بحال ربات البيوت، هوما أقل عرضة للعنف، بحيث كيتعنفو فيهم 54,8 فالمية، مقابل 64 فالمية عند النساء المشتغلات و73,5 فالمية عند البطاليات.
