كود كازا //
علمت “كَود”، أن سيدة ولدات صباح اليوم الجمعة في الطوموبيل ديال راجلها بعدما تسبب تعنت صبيطارات برشيد وسطات في وقوع هاذ الفضيحة للسيدة وراجلها.
السيدة جاها الوجع هزها راجلها إلى قسم الولادة بالمستشفى الإقليمي ببرشيد، اللي رفض استقبالها وقالو ليهم تمشي مستشفى الحسن الثاني بسطات.
الراجل دار كما قالو ليه. مشا لصبيطار سطات اللي رفض باش تولد داخل قسم التوليد بدعوى أن الولادة عادية وخاصها ترجع لصبيطار برشيد.
راجل السيدة دخل معاهم في نقاش ورجع لبرشيد وفي الطريق ولدات السيدة في الطوموبيل.. دابا شكون يحاسب المسؤولين فهاد الصبيطارات على هاذ العبث وامتهان كرامة المواطن بهاذ الأفعال غير الإنسانية و غير المسؤولة.
