نجوى المالحي-كود//
في عز خبر إدراج سكسو ضمن قائمة اليونسكو للتراث غير المادي، خرجات شركة “كوكا كولا” واستغلات الفرصة باش تروج لراسها مع “المؤثرين والمؤثرات”.
لي وقع أنه نهار الجمعة وبدون مقدمات خرجو بزاف ديال “المؤثرين” في نفس التوقيت، بتصاور ديال طباسل وقساري كسكسو مع قراعي ديال” كوكا كوكا” في حساباتهم على انستكَرام.
الشركة فرقات الفلوس على ناس عندهم بزاف ديال المتابعين في مواقع التواصل الاجتماعي، باش يديرو ليها الاشهار، والبعض اعتابرها انتهازية.
والحملة لي دايراها الشركة هاد الأيامات باش الناس يتفكرو زعما أحسن اللحظات مع العائلة، نوضات عليها النحل، وفئة من الناس قالو أن سكسو ارتبط عند المغاربة باللبن ماشي بالمونادة، واعتابرو الأمر استغلال وانتهازية من كوكا وحتى من “المؤثرين” لي قبلو يديرو ليها الاشهار.
وهادي ماشي اول مرة كدير فيها “كوكا كولا” اشهار لمونادتها باستعمال سكسو و”المؤثرين”، بل كانت دارت حملة فيناير من هاد العام شاركو فيها طه ايسو وكوثر بامو واخرين، وكانت بنفس الهشطاگ bcoca_wlablach#، وهادو بعض التدوينات منها:
https://www.instagram.com/p/B7yYe84Jrmy/
https://www.instagram.com/p/B7wLjgjFQyC/
https://www.instagram.com/p/B7yzuzlgTid/
https://www.instagram.com/p/B7wIqSpB5No/
وهادو تدوينات الحملة الجديدة لي ركبات بيها الشركة على ادراج سكسو في قائمة اليونيسكو:
https://www.instagram.com/p/CI83CWXBfxg/
https://www.instagram.com/p/CI8nrSzhu9a/
https://www.instagram.com/p/CI8ihCEJbQ6/?igshid=6l90vwb871a1
https://www.instagram.com/p/CI8VLJrgnUJ/?igshid=ckm9aras8reg
https://www.instagram.com/p/CI8pNRoF05T/?igshid=10twd49fb4qbj
https://www.instagram.com/p/CI86tedHzlm/?igshid=h5h0kruh8eno
