نجوى المالحي-كود//
السيدة طالعة باش تقدم برنامج بطريقتها، وبعض الناس عوض ما يهضرو على طريقة التقديم مشاو كيزوميو ليها على اشنو لابسة ويعلقو عليه.
هادشي وقع للمنشطة التلفزية زينب صابر، لي كتقدم برنامج “ستاند آب” لي كيدوز في القناة الاولى.. بانت زينب في حلقة جديدة لابسة فيستة فيها غير كم واحد، وهادشي خلا المكلخين يهجمو عليها وينتاقدوها.
هاد التركيز على اللبس، وعلى واش الواحد مستور ولا معري حسب المعايير القروسطية ديالهم، كيبين حاجة وحدة، الا وهي ان المجتمع المغربي، مازال ماستوعب مفهوم ومونسيبط الحريات الفردية وحق الشخص في ذاتو و في لبسو وفي حياتو، وكيبين ان المرأة المغربية مازال كتعاني وغادي تعاني حيت هاد المكلخين والمكبوتين غا يبقاو حاضينها وتابعينها وكيعلقو على الشادة والفادة واخا مانعرفت فين توصل.
