نجوى المالحي – كود //
الموضة ديال التصاور في معبر الكركارات مازال ما بغات تسالي، وشي مشاهير عمرهم ما عرفو المعبر حتى فين كاين، حتى سمعو ان المغرب حررو وجرا على بعض عناصر البوليساريو لي كانو تما، عاد حلالهم وولاو باغيين يتصورو فيه ويبانو وطنيين ومع قضية الصحرا.
مريم قاصيري، المنشطة التلفزية في القناة الأولى، حتى هي نشرات صورة على حسابها في انستكَرام، من معبر الكركارات وكتبات عليها كلمات الوطنية وداكشي.
المشاهير ديال المغرب خاصهم يفيقو ديال بالصح مع القضية الوطنية، ويستغلو الظرفية الحالية، وعوض ما يعطيوها للبوزات على مواقع التواصل، والأغاني البايتة لي كتوجد في نهار ينوضو يديرو ملحمات بحال ديال المصريين، هما على الاقل أغانيهم كتبقى لاصقة.
https://www.instagram.com/p/CJWyEaZhhoC/