نجوى المالحي – كود //
الفيضانات لي وقعو في كازا، العاصمة الاقتصادية للمغرب خلاو براف ديال المشاهير يعبرو بطريقتهم ويستنكرو او يستهزؤو.. منهم الكوميدية أسماء العربي، لي قررات تخرج دير وصلة فكاهية في الشارع العام.
العربي لبسات اللبسة ديال حورية البحر، وخرجات گلسات وسط گلتة ديال الما في واحد من شوارع كازا لي غرقو في هاد الشتا الغزيرة لي طاحت في هاد الايام.
أسماء شاركت الفيديو مع المتتبعين ديالها على حسابها في انستكَرام لي مسمياه The Tberguig، وكتبات عليه كتعليق : الله يعطينا القوادس وجملة بالفرانساوية فيها لعب بالكلمات ” je tire la sirène d’alarme “، علما ان سيغين هي ايضا حرية البحر بلغة موليير..
https://www.instagram.com/p/CJwBHxHh4lR/
