نجوى المالحي – كود //
من بعدما كانت غادي تشارك في بطولة المسلسل الاماراتي “قلبي معاك” لي غادي يتعرض في شهر رمضان الجاي، من الواضح أن تورطها في القضية ديال “حمزة مون بيبي” منع دنيا باطمة باش تدخل لهاد التجربة التلفزيونية للمرة الأولى في مسيرتها الفنية.
حسب بعض المصادر، دنيا باطمة كانت غادي تلعب دور البطولة إلى جانب أسماء فنية أخرى بحال ميساء مغربي، ومحمود بوشهري، وإبراهيم الزدجالي، وديمة الجندي، وأمل محمد… وحسب ما علنت الفنانة كريمة غيث في تصريح ليها فهي ما عوضاتش دنيا في المسلسل، ولكن لأسباب غير معروفة هاد الاخيرة ما بقاتش مشاركة في العمل الفني.
ومصادر اخرى اكدات ان دنيا خرجات عليها قضية “حمزة مون بيبي”، بعدما صدر في حقها حكم قضائي منعها من السفر خارج المغرب، وتحكمات بعام ديال الحبس، بزاف ديال المنتجين قررو يوقفو تعاملهم معاها.
