كود كازا//
نشرات ممثلة افلام البورنو ليزا آن، صور ليها من قلب مسجد “آيا صوفيا” فمدينة إسطنبول التركية.
وليزا جات لتركيا للمشاركة فحملة توعية ب”البريزيرڤاتيف” او الواقي الذكري، وتشجيع الشباب التركي باش يديروه، برعاية شركة “دوريكس”، واختارت تدير حجة وزيارة للمسجد اللي يالاه حولو الرئيس التركي اردوگان من كنيسة لجامع.
لكن المتخلفين كَلسو يسبو فيها فالتعليقات، على اعتبار أنها دنسات “بيت الله”، في حين أن هذ الجامع بالذات مكان عمومي تاريخي، ومفتوح فوجه الزوار باختلاف مشاربهم وأطيافهم ومعتقداتهم واعمالهم.
هذ المتخلفين عندهم نفس عقلية أردوگان، اللي جابليه الله أنه بتحول الكنيسة لجامع طفرو وانتصر للإسلام والمسلمين وهزم إرث أتاتورك العلماني، وممكن كون عرف غيجيو ليه الممثلين الإباحيين كَاع ماكان يتكرفص هاد التكرفيصة كاملة على الخوا.
وهذ الحملة اللي غدير ليزا غيشارك فيها حتى ممثل البورنو السابق روكو سيفريدي.