نجوى المالحي – كود //
خلال السنوات الأخيرة الممثلة فاطمة خير غبرات على الساحة الفنية قبل ما ترجع من نافذة تقديم برنامج “لالة العروسة” على القناة الأولى.
لكن هادي عامين ختارت أنها تبعد من جديد وتاخذ المساحة لي خاصاها باش تحدد شنو باغة، ورجعات بعدها ببطولة فيلم “الماضي لا يموت” مع الممثل رشيد الوالي ولي حقق نجاح كبير بزاف.
الشهر لي داز كملات فاطمة تورناج الجزء الثاني من المسلسل لي غادي يدوز في الأولى، وكيف سالات بدات تصوير مسلسل ثاني سميتو “ولاد العم” وبجوجهم غادين يدوزو في رمضان.
هاد العام بزاف المخرجين ختارو يبداو التورناج بكري ويكملو خدمتهم على تيساع خوفا من أنهم يطيحو في نفس المشكل ديال العام لي فات بعدما تفرض الحجر وبقات الأعمال واحلة.
