كود كازا ///
نشرت “كود” قبل ايام خبر على تعرض احد نواب القنصل العام للمغرب فبرشلونة للضرب من قبل احد المواطنين. مصادر ل”كود” من برشلونة اكدت ان اللي وقع هو هاداك الموظف واسمو رضوان النجار هو اللي تعدى على المواطن فاللول وباللي هو اللي جبدو حقاش صرفقو. طبعا المواطن اللي جا يصايب لاكارط ناسيونال ناض دافع على كرامتو وضربو حتى هو.
كما كشفت مصادر “كود” ان هاد الموظف باش دار هاد لفضيحة ما خبرش حتى السفير.
المصدر اكد ل”كود” ان هاد نائب القنصل اللي مكلف بالحالة المدنية دوز بلايص وديما عندو مشاكل ولكن ديما كيعينوه فقنصليات. شي مرة عطاوه سيمانا باش يدخل من افريقيا بعد تعيينو. دوز السعودية وحولوه. كان فطاراگونا وجابوه لبرشلونة
حسب مصدر من الخارجية ل”كود” فالمسؤول الاول على هاد لفضايح ديال هاد السيد اللي كان جبدو شي تقرير سابق للنقابة الوطنية للصحافة المغربية بسباب تعاملو المتخلف مع الصحافة٬ هو ناصر بوريطة وزير الخارجية. حقاش محسوب عليه من زمان. هادا كان خدم مع السفير الفاشل كريم مدرك اللي عطاه صاحبو بوريطة منصب سفير فالسويد بعد ما دوز استراليا.
مدرك ماشي غير صاحب بوريطة بل كيعتابرو خادمو اللي كينفد ليه اللي بغى.
