تصوير وحوار: عفراء علوي محمدي- كود كازا//
فحوار ليه مع “كود” على هامش عرض حلقات من السلسلة الجديدة “صلا وسلام” اليوم الأربعاء للصحافة، قال يوسف الجندي أنه فرحان بالدور اللي تعطى ليه فيها، ولو أنه ماكانش ساهل، بحكم أن الشخصية “سلمان” كان كيعاني من ضغوطات نفسية كبيرة، خلاتو يحاول ينتحر، وهذشي ماكانش ساهل بالنسبة ليه.
وشكل الجندي المخرجة زكية الطاهري على الثقة اللي وضعاتها فيه من خلال هذ السلسلة، وقال انها خدمات مع جميع الممثلين عليها، وطلبات منهم يبحثو فالأدوار اللي كيلعبوها ويديرو مجهود مضاعف، باش تخرج المسلسل اللي غتبثو الأولى على أحسن وجه.
و”صلا وسلام” غادي تبتو الاولى ابتداء من 3 فبراير القادم، كل اربعاء فحلقتين، على الساعة 9 و50 دقيقة.
وكيحكي المسلسل على شابة قررات ترجع لمدينتها “بجعد” باش تشوف الإرث ديال الأم ديالها اللي كانت قبل وفاتها نكافة، لكن سرعان ما قررات حتى هي تمشي على خطى والدتها وتمتهن تنكَافت، مع أصدقاء طفولتها.
الحوار الكامل مع يوسف الجندي كاين هنا: