علق عماد متعب مهاجم النادي الأهلي ومنتخب مصر السابق وعضو رابطة الأندية الحالي على انتقادات بعض زملاءه السابقين لاختياره ضمن الرابطة.
وقال متعب في تصريحات تلفزيونية أمس الجمعة "الموضوع ده مكنتش عاوز اتكلم فيه، لكن الناس دي لو رديت عليهم هنزل لمستواهم وده الي هم عاوزينه".
وأضاف "الخبرات الي الناس بتتكلم عليها زيها زي الامتحانات، في طالب ممكن تشرحله الدرس يفهمه وطالب تشرحله سنة ويفضل غبي الخبرات كدة".
وواصل "في لاعب تحطه في مكان يستفيد من أول يوم ولاعب تاني يقعد 10 سنين مياخدش خبرات، لو بعد السنين دي لعماد متعب مع الأهلي ومنتخب مصر ميبقاش عنده خبرات لما يقعد يتكلم في مصلحة اللاعبين تبقى ازاي تبقى مشكلة كبيرة".
وتابع متعب "انا معايا ناس عندها خبرات كبيرة جدًا زي عامر حسين وثروت سويلم".
مختتمًا تصريحاته "انا مرشح من النادي الأهلي، اننا نشوف مصلحة الأندية، لو فضلنا نقول الخبرات الخبرات يبقى نجيب الناس الي دارت اتحاد الكرة من 20 سنة، الخبرات مش بتيجي من القعدة في البيت".