عمرو أديب عن قطع الأضواء عن محمد رمضان بمهرجان الجونة: "جبتوه ليه"؟
عمرو أديب عن قطع الأضواء عن محمد رمضان بمهرجان الجونة: "جبتوه ليه"؟
علق الإعلامي عمرو أديب على قطع الأضواء والصوت عن المسرح بمهرجان الجونة السينمائي، بعد انتهاء الممثل محمد رمضان من أداء أغنيته.
وقال أديب خلال برنامج "الحكاية" المذاع على قناة "إم بي سي مصر": "أمبارح جات الحفلة النهائية كان في عظيم معمول عن الفنان سمير غانم وذكر لكل الناس اللي رحلت وتقدير من الساحة الفنية السينمائية للنادي دي اللي أدت لروحها وللبلد وللفن أشياء كثيرة".
وأضاف: "حصل حاجة غريبة امبارح؛ إدارة المهرجان كل سنة عندها اغنية المهرجان؛ أول سنة كانت تلات دقات وكسرت الدنيا؛ السنادي بدون سبب واضح قرروا أن الاغنية بتاعة الحفلة يعملها محمد رمضان وبصرف النظر عن مشاكلي معاه ماشي".
وأضاف: "في أول الحفلة طلبوا من يسرا وسميح ساويرس يطلعوا يقولوا كلمتين وطلعوا فعلا وفي اخر الحفلة جات المذيعة الفاضلة اللي كانت بتقدم الحفلة فجأة كدة قالت أخر حاجة معانا الفنان محمد رمضان وراحت ماشية وكان طالع معاه اتنين مطربين اسمه أكبر منه 100 مرة في الغناء".
وتابع: "قبلها طلعوا سميح ساويروس ويسرا تاني وهما مش عارفين طالعين ليه ويبدوا أنها طلعتهم عشان يقدموه ومقدمهوش".
وأوضح: "دخل محمد رمضان غني اغنية اسمها جو البنات حاجة ملهاش دعوة بالمهرجان خالص وشكلة مكانش حلو وهو بيعمل حاجات أحسن من كدة الاغنية قعدت 3 دقائق وخلصت وجه أول ما يكلم الميكروفون اتقطع والنور انطفي انا مبقولش حاجة محصلتش حتى مقالوش العواف يا جماعة مع السلامة؛ الراجل لسة بيقول أنا عايز راحوا قاطعين عليه النور والصوت".
وأكمل: "لا الاغنية صح ولا اللي اتعمل صح ولا هو كان صح محدش فاهم هل سميح طلع المرة التانية عشان يشكر المحافظ وزيرة الصحة ويسرا حتى قالت معرفش احنا طالعين ليه والفيديو موجود ومذيعة الحفلة حتى قالت معانا محمد رمضان وأول ما طلع بعد ما خلص طلعت بشرى وجيباله ورد النور اتقطع".
واختتم: "الموضوع ده كله المهرجان مكانش محتاجه؛ مشيت كويس والتكريم عظيم والراجل في 10 ثواني كان مطفي عليه النور والقاعة خلصت؛ طيب لو مش عايزينه جبتوه ليه ولو عايزينه عمتوا فيه كدة ليه".
