أحمد موسى عن جريمة الإسماعيلية: "شفت المشهد ومش قادر أمسك نفسي"
أحمد موسى عن جريمة الإسماعيلية: "شفت المشهد ومش قادر أمسك نفسي"
علق الإعلامي أحمد موسى؛ على جريمة الإسماعيلية والتي قتل فيها شاب ذبحا في أحد شوارع المدينة في وسط النهار وسط المارة.
وقال موسى خلال برنامج "على مسؤوليتي" المذاع على قناة "صدى البلد": "من الضهر كدة أنا مصاب بحالة غريبة بسبب اللي حصل في الإسماعيلية مش مصدق أن دة يحصل في عز الضهر قدام الناس واحد يقتل واحد ويفصل دماغه عن راسه ويمشي بيها في الشارع".
وأضاف: "مشهد لا يمكن أن تتخيله ولكن حصل النهاردة وأنا أسف أني بتكلم عن دة ولكن جريمة بتخلي الواحد في صادمة المجرم خد راس المجني عليه ومشي في الشارع".
وتابع: "مشهد دامي وصادم القاتل مثل بجثة المجني عليه؛ المشهد نفسه مزعلني ومن ساعة ما شفته مش قادر أمسك نفسي من حجم الجريمة والتمثيل بالجثة والناس واقفة تتفرج".
واختتم: "بعد كدة بقي جريوا ورا القاتل وسحلوه في الشارع وجات الشرطة وأخدته والأهالي تدخلوا وسحلوه وجروه في الشارع".
