تريزيجيه يكشف تفاصيل إصابته بالرباط الصليبي
تريزيجيه يكشف تفاصيل إصابته بالرباط الصليبي
كشف محمود حسن تريزيجيه؛ لاعب فريق أستون فيلا الإنجليزي تفاصيل إصابته بقطع في الرباط الصليبي خلال مواجهة فريقه أمام ليفربول بالدوري الإنجليزي.
وقال تريزيجيه في مقابلة مع برنامج "الحكاية" المذاع على قناة "إم بي سي مصر": "كنت بلعب الماتش والاصابة جات بدون احتكاك مع حد وفجأة حسيت أن في حاجة اتخلعت في جسمي وكنت حسيت بده قبل كدة لما جالي خلع في كتفي".
وأضاف: "مكنتش حاسس أنه رباط صليبي؛ لحد ما الكورة كانت عدت جنبي كدة؛ صعبت عليا نفسي وقعدت على الأرض وبكيت".
وتابع: "لاعبية ليفربول اتلمت حواليا وبيقولولي قوم عشان هما كانوا مغلوبين وصلاح جه وقالهم دا مش بيقع إلا لو كان في حاجة دا مش بيمثل؛ وحتى يورجن كلوب قال بعدها دا رباط صليبي".
وأوضح: "ناصف ساويرس رئيس النادي اتصل بيا بعد الإصابة وقالي متقلقش هنعالجك في أفضل أماكن في العالم وبعدين بدأت التدريب بعد العملية بتلات أيام".
واختتم: "أنا حاليا جاهز للمشاركة ولكن المدير الفني مستني الوقت المناسب اللي أقدر أشارك فيه في المباريات بعد الإصابة".
