تريزيجيه: "لاعبية أندرلخت كانوا بيتريقوا عليا"


أكد محمود حسن تريزيجيه؛ لاعب فريق أستون فيلا الإنجليزي أنه واجه صعوبات كثيرة خلال رحلته في عالم الاحتراف لافتا أن رغبته الأولى هي المشاركة أساسيا مع الفريق الذي ينتمي إليه

وقال تريزيجيه في مقابلة مع برنامج "الحكاية" المذاع على قناة "إم بي سي مصر": "أنا أهم حاجة عندي أني ألعب؛ لما رحت بلجيكا مكنتش أعرف انجليزي والمدرب كان يقول المحاضرة بالانجليزي أو الفرنساوي ويقولي قول فاللاعيبة تضحك عليا؛ وكانوا بيتكموا معايا ويتريقوا عليا وكنت بقول ماشي وبركز في شغلي".

وأضاف: "نادي أندرلخت أشتروني ولكن ملقتش فرصة أني أشارك أساسي وأتصدموا لما طلبت الرحل؛ قلتلهم خفضوا مرتبي وخلوني أروح نادي تاني لأني عايز ألعب".

وتابع: "انتقلت للدوري التركي وكل الناس اتريقت عليا وكانوا بيقولولي تركيا إيه اللي تروحها؟ انت رايح تاكل شاورما؟ وهتلعب في نادي اسمه قاسم باشا؟ أنا صممت وقررت أكمل وخدت جايزة أفضل لاعب في الدوري أول سنة وتاني أحسن لاعب في السنة التاني".

وأكمل: "اتعلمت انجليزي وأنا في تركيا والمدير الرياضي لأندرلخت في المفاوضات معايا كان عايزني أكمل في الفريق لكن أنا رفضت وقالي أنت شايف نفسك كدة ليه لما نشوف هتروح فين ولما رحت الدوري الإنجليزي بعت قلتله شوفت أنا رحت فين؟".

وعن مباراة الكونغو في تصفيات كأس العالم الماضي وحصوله على ركلة ترجيح أهلت المنتخب للبطولة قال تريزيجيه: "كان عندي قناعة أننا هنتأهل؛ وكنت بلعب طول التصفيات أساسي وجيت في ماتش الكونغو وقعت على الدكة".

وأوضح: "عبد الله السعيد جالي يومها وكانت رجليه وجعاه وقالي مفيش غيرك يا تريزيجيه أنت الحل الوحيد حاليا ونزلت المباراة والكونغو كانوا سجلوا هدف ولاعب الكونغو لما دخلت معاه كان ممكن رجلي تتقطم ولكن ماكانش هاممني غير أن بلدي تتأهل لكاس العالم".

واختتم: "لاعب الكونغو نزل على رجلي كان ممكن تتقطم والحكم حسب ركلة جزاء وصلاح سجلها وكلمها الحمد لله".

تاريخ الخبر: 2021-11-30 00:44:36
المصدر: الرئيس نيوز - مصر
التصنيف: سياسة
مستوى الصحة: 49%
الأهمية: 67%

آخر الأخبار حول العالم

المزيد من الأخبار

مواضيع من موسوعة كشاف

سحابة الكلمات المفتاحية، مما يبحث عنه الزوار في كشاف:

تحميل تطبيق المنصة العربية