شيرين عبد الوهاب: ورثت قص الشعر من والدي.. ومش أول مرة أعملها - فن وثقافة
شيرين عبد الوهاب: ورثت قص الشعر من والدي.. ومش أول مرة أعملها - فن وثقافة
قالت الفنانة شيرين عبد الوهاب، إنها حلقت شعرها قبل يوم واحد من انفصالها عن زوجها الفنان حسام حبيب، «حلقت وبعدها بيوم واحد حصل الطلاق»، موضحة أنها ليست المرة الأولى التي تقص شعرها، «الحلقة بتاع رأس السنة اللي الناس اتهموني فيها في وطنيتي، أنا كنت مدبوحة وقتها، وهجوم الناس عليا زودوا جرحي وتعبي، والفنان هاني شاكر عمل لي تحقيق».
شيرين: مهما الظروف عملت فيا مش هتكسر
وأضافت خلال تصريحات تليفزيونية، «الفترة دي كنت عمالة أخد على دماغي، بس ربنا كريم لما يكون واقف في ظهر حد، مهما عملت الظروف مش هتكسر، فيه شريحة كبيرة من الناس أخدوني بالنسبة لهم قدوة لما حلقت شعري».
والدي قدوتي في قص الشعر أثناء الزعل
وتابعت الفنانة شيرين عبد الوهاب: «أنا أكسر نفسي وأؤذي نفسي، بس مأذيش حد، حلاقة الشعر أثناء الزعل ده حاجة ورثتها عن ابويا، كانت أصوله تركيا، كانوا بيمتازوا بالقوة، والجسم الكبير والشعر الكبير الأسود، لما يزعل يقوم قاصص شعره، اسأله ليه ماما تقولي مضايق».
