غنت الفنانة شيرين عبد الوهاب، أغنية "سوسة كف عروسة" للفنانة عفاف راضي، و"ماما زمانها جاية" للفنان الراحل محمد فوزي خلال مشاركتها هي وابنتيها مريم وهنا في برنامج صاحبة السعادة، بصحبة الإعلامية إسعاد يونس.
وقالت خلال لقاءها بالبرنامج الذي يذاع على قناة "dmc": "كنت بنغنيلهم الأغاني دي وهما صغيرين، دلوقتي بناتي كبروا".
قالت شيرين إن ابنتها مريم رسامة ماهرة، ولديها مواهب مميزة، مضيفة: "وأنا حامل فيها كنت بلون كتير، وباكل حلويات كتير، فهي طالعة بتحب الرسم وبتحب أكل الحلو جدا.. هما الاتنين شطار وبيفاجئوني".
تابعت: "أما (هنا) فبتقول مواعظ أحيانا، ممكن تكلميها في حاجة تخصك تلاقيها قالت جملة تعيشي بيها عمرك كله"، موضحة أنها عندما أعلنت الاعتزال، ترددت في حضور حفلة مدرسية لابنتيها، حتى لا يسألها الحضور عن الأسباب، فطلبت منها "هنا" أن تذهب ولا تتوقع حدوث الأمور السيئة حتى لا تحدث بالفعل.
أضافت: "لما قلتلها مخاوفي قالت لي مامي ممكن تيجي تقعدي فوق ومحدش هيشوفك، لكن هتقعدي تفكري في حاجات وحشة هتحصل هتلاقيها حصلت، استني لما اللحظة دي تيجي، بلاش تتوقعي الأسوأ".
