بعد تصريح محدش عايز يشغلني.. أحمد عيد: «مبشتغلش أي حاجه»
بعد تصريح محدش عايز يشغلني.. أحمد عيد: «مبشتغلش أي حاجه»
علق النجم أحمد عيد، على التصريح المتداول له مؤخرًا عبر صفحات التواصل الاجتماعي، بعنوان “أحمد عيد عن غيابه.. محدش عايز يشغلني معاه”.
وكتب أحمد عيد عبر صفحته الشخصية على "فيس بوك”: “أنا مش بحب اعلق على الحاجات اللي من النوع دا بس عشان بشوف البوست دا كتير”.
وأضاف: “أولاً الكلام دا من 5 سنين في عرض فيلم ياباني اصلي وكان رد علي سؤال انت غايب ليه ومبنشوفكش كتير فكان ردي في سياق معين والجملة مش كاملة ومش مقصود بيها التأكيد ان محدش بيشغلني لأنها مينفعش تتقال بالشكل ده”.
وتابع: “غير كدة إن أنا في الحقيقة مبشتغلش أي حاجه ومش فارق معايا تواجدي بشكل دائم عمال على بطال، أنا هشتغل الحاجات اللي أنا مقتنع بيها وشايفها مناسبة ليا”.
واختتم المنشور قائلا: “معلش انا بس حبيت اقول الكلمتين دول وليلتكم سعيدة ويارب منشوفش البوست ده تاني”.
أخر أعمال أحمد عيد الفنية
وكانت أخر أعمال أحمد عيد الفنية مسلسل “اختراق” الجزء الثاني وشارك فى بطولته عدد كبير من الفنانين وهم طلال السدر، مى سليم، وراندا البحيرى، ونضال نجم، ومحمد العيسى ومها منصور، والعمل من تأليف محمود حمدان، وإخراج أحمد حسن، وينتمي المسلسل لنوعية المسلسلات الأكشن.
وكانت أخر أعماله السينمائية الفيلم السينمائي “خلاويص” والذي عرض في عام 2018 وخاض بطولته بجانب النجمة أيتن عامر بمشاركة كل من الفنان أحمد فؤاد سليم، محمد حاتم، ماهر سليم، سامى مغاورى، إنتاج محمد مازن، وإخراج خالد الحلفاوى.
ودارت أحداث الفيلم حول طفل يلقى القبض عليه نتيجة تشابه اسمه مع اسم أحد الجناة، وعندما يعلم أبوه بذلك يسعى جاهدا لتوضيح الحقيقة وتساعده في ذلك محامية شابة في حين يلعب أحد الإعلاميين دور غريب يريد من خلاله إثبات أن الطفل هو المتهم الحقيقي.
