مصطفى بكري: "كانوا بيقولوا لولادي في الجامعة أبوكم عميل للمجلس العسكري"
مصطفى بكري: "كانوا بيقولوا لولادي في الجامعة أبوكم عميل للمجلس العسكري"
أكد الإعلامي مصطفى بكري؛ أن الدولة تبذل كل ما لديها من جهد؛ من أجل التصدي للأزمة الحالية ومراعاة احتياجات المواطن المصري الذي يتعرض لضغوط اقتصادية كبيرة.
وقال بكري خلال برنامج "حقائق وأسرار" المذاع على قناة "صدى البلد": "بنقلل حجم الاستيراد على قد ما نقدر والنهاردة الرئيس بيدي حافز على توريد القمح عشان الناس تزرع قمح أكتر؛ عايزين وزارة التموين شدي حالك في الرقابة وشوفوا التجار والجشع".
وأضاف: "بلدنا غالية علينا ومش هنفرط فيها ومش هنسمع كلام الأفاقين وهنعدي الأزمة ونبني مشروعاتنا وبلدنا هتبقي قوية بالشعب المصري الملتف حول جيشه وشرطته".
وتابع: "هنقف على رجلينا وهنمشي في حياة كريمة وبلدنا هتبقي قوية بإرادة الله والشعب المصري؛ البديل خطر ومعناه أن مفيش دولة ومفيش عودة والبديل متلعبوش المغامرة السياسية معانا".
وأكمل: "الشعب الأصيل والمصري الأصيل عمره ما يفرط في البلد دي بأذن الله وتوفيق الله؛ وبجهد الرجل اللي لا يضن بالجهد على البلد واللي ربنا هيكرمه رغم الحملات؛ الأزمة كبيرة وأجهزة الدولة شغالة ليل نهار ورقابة على الأسعار وبتقول ازاي نعمل كذا وكذا".
وأوضح: "اللي في نفوسهم مرض عمرهم ماهيرضوا عننا وهيحاولوا يستغلوا كل أزمة ويعملوا نفسهم أبطال؛ ما أسهل أنك تقول شعارات وما أسهل أنك تعمل نفسك خايف على الناس ولكن ما أصعب أن تقول كلمة الحق".
واختتم: "بعد يناير كنت بطلع أتكلم عن المجلس العسكري وولادي كانوا بيجوا يقولولي بيقولولنا في الجامعة أبوكم عميل للمجلس العسكري وكنت بقولهم دا فخر وهتحمل الشتائم واتحملوا عشان مصر وهيجي يوم من الأيام تعرفوا قيمة المشير طنطاوي والمجلس العسكري".
