السيسي : «إللي عايز يشكرني يخلي باله من مصر»
السيسي : «إللي عايز يشكرني يخلي باله من مصر»
أشاد الرئيس عبدالفتاح السيسي بدور المرأة في المجتمع، مؤكدًا أنها الطرف الأكثر تضحية ورحمة ولينًا.
وقال السيسي، خلال احتفالية تكريم الأم المثالية، الأربعاء: «حالة النجاح التي تحققت في الـ5 سنين اللي فاتت حتى أثناء قسوة الإرهاب والتضحيات اللي اتقدمت، الأم والبنت والزوجة هى اللي تألمت أكتر وده عطاء كبير.. آه في أبهات بيتألموا على أولادهم مفيش كلام.. لكن الأم والبنت والزوجة هما مش هقول الجناح الضعيف لكن الجناح اللين الرحيم».
وتابع: «اللي عايز يشكرني وقد يرى إن أنا عملت أمر طيب يخلي باله من مصر.. أنا بتكلم والله يعلم ما في نفسي، إن إحنا نحافظ على الوطن ده وعلى حياة الـ100 مليون في أمان وسلام في ظل الحالة اللي موجودة في العالم دي.. الشكر مش ليا، لا، الشكر لله سبحانه وتعالى».
