أحمد موسى: الاتحاد الأفريقي منحاز ضد الفرق والمنتخبات المصرية
أحمد موسى: الاتحاد الأفريقي منحاز ضد الفرق والمنتخبات المصرية
أكد الإعلامي أحمد موسى؛ أن النادي الأهلي طلب من الاتحاد المصري لكرة القدم التقدم لاستضافة نهائي دوري أبطال أفريقيا.
وقال موسى خلال برنامج "على مسؤوليتي" المذاع على قناة "صدى البلد": "الموضوع متأخر جدا والمسألة واضحة بصراحة والاتحاد الأفريقي فيه فساد إداري كبير وفي فساد من أيام عيسى حياتو".
وأضاف: "لازم تمنح العدالة للكل أي فريق؛ العدالة لازم تبقى موجودة والجميع يستفيد من العدالة ليه تخلي علامة استفهام على الاتحاد الأفريقي ليه تخلينا نقول إن الاتحاد الأفريقي ضد الفرق المصرية؟ ليه تخلينا ناخد موقف من الاتحاد الأفريقي أن معندوش عدالة".
وتابع: "الانحياز ضدنا وأنا بقولها على الهواء؛ الاتحاد الأفريقي بياخد موقف من الفرق والمنتخبات المصرية ليه متبقوش زي الاتحاد الأوروبي ويوم القرعة تحدد المباراة النهائية فين؟ أنت لازم تحدد من بدري كدة عندك انحياز ضد 3 فرق وصلوا مع الوداد لنصف النهائي".
وأكمل: "عدالة يا جماعة محدش بيطلب غير العدالة وناس بتقول في تصويت وناس بتقول محصلش تصويت؛ واحنا متقدمناش ليه؟ أحسن ملاعب في مصر وعندنا البنية التحتية".
واختتم: "ليه تخلوا الواحد يبقي زعلان من هذه التصرفات؛ اللي يفوز يبقى في عدالة في الفوز؛ الاتحاد الأفريقي قرر اسناد النهائي بالأمر المباشر كدة واللي أنا بقوله بنتكلم على مباراة في كرة القدم؛ ليه تدي أمر مباشر معندكش عروض ودول أخرى موجودة في القارة؟".
