بعد طرح «خطافة الرجالة».. أيتن عامر لجمهورها: «يلا ادونى افكار للكليب» (فيديو)
بعد طرح «خطافة الرجالة».. أيتن عامر لجمهورها: «يلا ادونى افكار للكليب» (فيديو)
طرحت الفنانة أيتن عامر اليوم الخميس، نسخة جديدة من أحدث أعمالها الغنائية “خطافة الرجالة” عبر قناتها الرسمية بموقع الفيديوهات الشهير “يوتيوب”.
وتستعد أيتن عامر، لتصوير أغنية “خطافة الرجالة” على طريقة الفيديو كليب خلال الفترة المقبلة وطلبت من جمهورها إرسال مقترحات بأفكارهم لتنفيذ الكليب للاستعانة بها وقت التصوير وذلك عبر حسابها الرسمي بموقع التواصل الاجتماعي “فيس بوك” وكتبت قائلة: “يلا إدونى افكار للكليب و الفكرة اللى هتعجبنى هنزل اسم صاحبها على الكليب”.
وتعاونت أيتن عامر في أغنية “خطافة الرجالة” مع كل من الشاعر الغنائي أحمد علاء الدين، والملحن أحمد مصطفى نيس، والموزع الموسيقي ومهندس الصوت زووم، وعازف الجيتار أحمد حسين، وعازف الإيقاع ماجد الصواف.
كلمات أغنية خطافة الرجالة
عاملة لاف على صورته وانا حبيبته ومش هاقف اتفرج
وانا هقفش جامد ده البارد عمال بيهرج
يا نهار ابيض كده مش فايت
انا قلبى مولع نار شايط
بقى بينى وبينها انا تار بايت
ده متعرفنيش
و دى قلة ذوق كدة مش طالبه بزياده لطافه
دى عميت فى عنيها العيب فيها ولا انا شفافة
انا موتى و سمى اللى قافلنى
بتبص فى وشى وتحضنى
ومن ضهرى بتلعب و تخونى
وكله على مفيش
خطافة الرجالة حرصوا منها
تلعب على مين لا ده بعينها
اللى تقربله الله يعينها
مش هسكت ولا هقف اتفرج
خطافة الرجالة حرصوا منها
تلعب على مين لا ده بعينها
اللى تقربله الله يعينها
جمهورى كبير يملى مدرج
آخر أعمال أيتن عامر الغنائية
وطرحت النجمة أيتن عامر قبل شهر رمضان المنقضي أغنية بعنوان "كانت بتسهر" وتعاونت فيها مع كل من الشاعرة آية عاطف في أول تعاون بينهما، والملحنة نورهان البغدادي، والموزع الموسيقي زووم، وعازف الجيتار، أحمد حسين، وعازف الإيقاع ماجد الصواف.
