إبراهيم عيسى: تيار الإسلام السياسي خطر على التنمية
إبراهيم عيسى: تيار الإسلام السياسي خطر على التنمية
أكد الإعلامي إبراهيم عيسى؛ أن تيار الإسلام السياسي بكل أنواعه يعد الخطر الأول على التنمية في مصر، لافتا أنه لا توجد دولة ناجحة تحكمها جماعة دينية.
وقال عيسى خلال برنامج "حديث القاهرة" المذاع على قناة "القاهرة والناس": "في الستينات كان في ميكروجيب والكت؛ عمرنا ما سمعنا حتى السبعينات ولا كان في تحرش ولا فتنة ولا الشباب ماشي منهار في الشارع".
وأضاف: "لا الكلام اللي عاملينه وسط مجتمع 80% من سيداته اتحجبت؛ الدولة بتكلم عن حروب الجيل الخامس ولكن اللي جاي من برة ليه يعمل دة ما عنده الإسلام السياسي وحرب الأفكار".
وتابع: "الدولة فاهمة أن تيار الإسلام السياسي ممكن ترويضه؛ ولسه فاهمة أن الأفكار الدينية اللي بتتقال هي الدين الحكم الديني دة فلح فين؛ هتقولي أيام الخلافة خلاص نرجع بالأحصنة وبعدين ما كان في الدولة البيزنطية والفارسية".
وأوضح: "الدولة الحديث المحكومة حكم ديني وناجحة فين؛ ايه الدولة الدينية اللي ناجحة؟ إيران؟ باكستان؟ أفغانستان؛ السودان في فترة نميري والبشير؟ السعودية في فترة الصحوة؟".
وأكمل: "اعتقد زي ما الدولة بتكلم طول الوقت على أن تنمية سيناء لمواجهة الإرهاب؟ الإرهاب لن يسمح بالتنمية؛ التصور بأن الإرهابي بيكون إرهابي عشان عاطل وفقير وفاضي دا تصور تقليدي قديم ملوش أي دليل خالص".
وواصل: "أسباب الاقتصاد مش اللي بتودي للإرهاب راجعوا نفسكم أرجوكم؛ الإرهابي إرهابي عشان أفكاره كدة مش عشان فقير مش لاقي راجل".
واختتم: "نريد لعلمنا أن يظل مرتفعا وخفاقا ومنتصرا ولكن هذا كله لن يتحقق إذا كنا واضحين مع أنفسنا أن التيار الإسلام السياسي بكل تويعاته هو الخطر الحقيقي على التنمية".
