أحمد موسى يطالب الحكومة باستثناء ميدان التحرير من مبادرة ترشيد الكهرباء
أحمد موسى يطالب الحكومة باستثناء ميدان التحرير من مبادرة ترشيد الكهرباء
طالب الإعلامي أحمد موسى؛ الحكومة باستثناء ميدان التحرير من مبادرة ترشيد استهلاك الكهرباء وإعادة إضاءته بشكل يسمح للزور الاستمتاع بالتواجد فيه.
وقال موسى خلال برنامج "على مسؤوليتي" المذاع على قناة "صدى البلد": "ميدان التحرير دا ميدان ثورتنا العظيمة في 30 يونيو؛ أي حد بيجيب يروح ميدان التحرير والناس بتحب تروح؛ أحد أشقائنا العرب كان بيكلمني بيقولي أنا زعلت؛ قالي بحب أتمشى باليل ونزلت ميدان التحرير لقيته ضلمة".
وأضاف: "قللوا الإضاءة ولكن خلوا شوية مينفعش يبقي اغلاق تام؛ مينفعش دا يبقي ميدان التحرير؛ الميدان أنفقنا عليه من 60-80 مليون جنيه عشان يكون حاجة تنور الدنيا".
وتابع: "ننور زي ما احنا بنعمل كدة عمود وعامود؛ الميدان يبقي ضلمة تماما؟ لا مينفعش الحكاية دي يا جماعة؛ هل دة ينفع؟ ما ننور شوية بنقول 50% منخليه 50% ".
وأكمل: "ليه؟ أنا بتكلم أشقائنا الناس بتحب تروح ميدان التحرير؛ مينفعش يبقي ظلام؛ ننوره حتى لو بنسبة 30% يبقي في نور للناس اللي موجودة وللحركة اللي موجودة".
وأوضح: "الناس اللي بتحب تروح ميدان التحرير وتتصور في ميدان التحرير؛ هل أقول النهاردة الفنادق تقفل بالكامل؟ مينفعش عشان عندي سياحة دي منشأة سياحية فيها ناس موجودة وقطاع السياحة يخرج من منظومة الـ 50% وكل الفنادق حوالين التحرير كلها سياحة".
واختتم: "أرجو تاني من دولة رئيس الوزراء؛ تحديدا ميدان التحرير تعود الإضاءة ولو بنسبة 30-40% أحنا كلنا مع الإجراءات ولكن ميدان التحرير رجعوا الإضاءة فيه على الأقل الناس بتتحرك بتزور الميدان وتعود مرة أخرى الإضاءة للميدان".
