«يونس الحتة اللى بتخاف منها».. منى زكي تكشف تفاصيل علاقتها بأبناءها
«يونس الحتة اللى بتخاف منها».. منى زكي تكشف تفاصيل علاقتها بأبناءها
قالت الفنانة منى زكى ، إن ابنها يونس هو آخر العنقود، معقبة: "يونس أصغر حتة وبنخاف منها، الحتة الصعبة".
وأضافت منى زكي، خلال لقاءها ببرنامج "سهرانين"، المذاع عبر فضائية "On"، الذي يقدمه أمير كراره، أن يونس ابنها هو أكثر من غلبها وأتعبها في تربيته و«مازال مغلبها»، بحسب تعبيرها.
منى زكي تكشف عن علاقتها بابنتها
وتابعت: "بنتي ماشاء الله، الله أكبر عليها كانت نسمة، قعدت معاها 11 سنة كانت نسمة، وبعد كدة جالي رجالة".
وأوضحت أن تربية البنات والتعامل معهن أسهل بكثير من تربية الأولاد، معقبة: "ناس كتير بيبقوا شايفين أن تربية الأولاد أسهل، لكن فكرة إن حد يبوصلي وأنا بتكلم ويعمل تواصل بالعين ويفهمني، ما بتحصلش عند الصبيان، لكن البنات هي اللي بتبقى مصحصة ومركزة معاك".
أمنية أحمد حلمي ومنى زكي بخلفة البنات
وتابعت:"أول ما تجوزنا كان نفسنا في بنات كتير، لكن طبعًا أحمد حلمي لما الولاد جو اتبسط، لكن كان بيقول العكس"، ليعلق أمير كرارة:" كل الرجالة بتقول كدة، لما تيجي بنت يقول أنا بحب البنات، ويبقى من جواه بيتقطع؛ لأن كل رجل بيبقى نفسه في ابن يكون جنبه، راجل جنبه في العربية، ويبقى صاحبه"، لترد منى زكي:"دي حاجة بتاعة ربنا، فيه ستات كتير بيكونوا السند لأهلهم، وأوقات لا، والعكس، دي حاجة مالهاش علاقة ببنت أو ولد، لكن دي حاجه لها علاقة بمين قادر يشيل المسؤولية".
وأشارت إلى أن ابنتها «لي لي»: «كانت متحملة المسؤولية معها في تربية الولدين، خاصة آخر سنتين، كأنها أم بديلة، كانت بتساعدني آخر سنتين، لكن للأسف رايحة جامعة وهتسيبني لوحدي مدبسة».
وأوضحت أن ابنتها «لي لي» كانت تعمل وهي في المدرسة، حيث تمتلك المشروع الخاص بها، فهي تمتلك موهبة الرسم، وترسم بيدها على التي شيرتات والأحذية والحقائب، وتعرض منتجاتها في معارض كبيرة، معقبة:"أنا بساعدها وفخورة بها طبعًا، بساعدها وبحضر معاها وأفوت عليها في المعرض لو محتاجة حاجة".
