نادية الجندى تفجر مفاجآت عن علاقتها بعماد حمدى بعد الانفصال
نادية الجندى تفجر مفاجآت عن علاقتها بعماد حمدى بعد الانفصال
وجهت الإعلامية أسما إبراهيم سؤالًا للفنانة نادية الجندي، بشأن الشائعات حول استفادتها من الفنان عماد حمدي، لترد نادية الجندي بغضب: "مش معقول! هتكلم في الموضوع ده تاني؟! هو عماد حمدي كان صاحبي؟! ده كان جوزي، يعني إيه استفدت منه مش فاهمة؟!".
وأضافت الفنانة نادية الجندي، خلال لقائها ببرنامج "حبر سري"، المذاع عبر فضائية "القاهرة والناس": "أنا لم أستفد من عماد حمدي ماديًا لأن كان عندي بوتيك أزياء، ولو استفدت منه مادياً إيه المشكلة ده جوزي".
وتابعت: "عماد حمدي أبو ابني، وبكن له كل حب وتقدير، ورجل عظيم وفنان قدير، هو أكبر مني بكتير أوي، لكن ده ما يمنعش، أنه أبو ابني وبينا عشرة، رجل مشفتش منه غير كل خير، وكان يحبني".
وأوضحت الفنانة نادية الجندي سبب محاربتها، قائلة: “هم لا يعرفون الوصول إلى نجاحي، وحاسين بحب جماهير طاغي في مصر وفي العالم العربي، فيعملوا إيه، يعملوا خطة فاشلة عشان الجمهور يكره نادية الجندي”.
وتابعت: “كل ما ينجح لي عمل، يقولوا عماد حمدي عملت فيه وسوت فيه، ده عماد حمدي عمل معايا فيلم الباطنية من انتاج زوجي محمد مختار، يعني أنا لو ست عملت فيه أي حاجة وحشة أو ضريته، هل يقبل يشتغل معايا في الباطنية؟!”.
وطالبت نادية الجندي بنشر صورة لها برفقة عماد حمدي ومحمد مختار، قائلة: "أنا ومحمد مختار حاضنينه، أنا مسبتش عماد حمدي لغاية آخر يوم في حياته، كنت بزوره أنا ومحمد مختار في بيته، ونشوفه ونخدمه ونبعتله شغالينا، كان بمثابة أبونا الروحي".
ووجهت نادية الجندي رسالة إلى مهاجميها، قائلة: "يا جماعة استحالة، ده أبو ابني، وكل اللي بيتقال كدب وافتراء".
