هشام الجخ (و. 1978)، شاعر مصري.

حياته

ولد هشام تام عباس الجخ عام 1978، ويرجع بأصوله إلى محافظة قنا بصعيد مصر.

قصائده

• سري جدا إلى البحر
• حلقاتك برجالاتك
• نانا
• أيوة بغير
• على ذكر النبي
• انسحبو
• مبتحلش
• مزحوم يا قطار الغبانين
• اباتشي
• نادية
• البغبغان
• جحا
• إنطرد الآن من الجدول
• تلت خرفان
• 24 شارع الحجاز
• إيزيس
• قصيدة الرسالة الأخيرة

إنطردي الآن من الجدول

موتي فالكلُّ هنا ماتوا وأنا اعتدتُ حياتي أَرْمَلْ

واعتدتَ الهَجرَ بلا سببٍ وبرغمِ الحيرةِ لم أسألْ وظلَلْتُ أسجِّلُ أسماءً وأسطِّرُ خاناتِ الجدولْ

ضُنِّي إحساسَكِ ما شئتِ فأنا مَلِكٌ لا أتوسَّلْ

لا أبكي لفراقِ حبيبٍ أوأترجَّى أوأتذلَّلْ

رقةُ شِعري قَوْلٌ إفكٌ فَفُؤادي مِن صَخْرٍ جَنْدَلْ

علَّقتُ نساءً في سَقْفِي وجلسْتُ فخورا أتأمَّلْ

وغزوتُ عُيوناً لا تُغْزَى غافلتُ رموشاً لا تَغْفَلْ

وزَرَعْتُ النُّسوةَ في أرضٍ لا آخرَ فيها أَوْ أَوَّلْ

ديكتاتوريا إذا أُعْطِي ديكتاتوريا إذا أَبْـخَلْ

وَقَّعْتُ - أَنَا - صَكَّ الهَجْرِ فالحاكِمُ يَعْزِلُ لا يُعْزَلْ

فانطردي الآن من الجدول

غِيبِي فَلَكَمْ قَبْلَكِ غابوا لا شيءَ يَـجِيءُ وَ لا يَرْحَلْ

ما الوردُ إذنْ لَوْ لَمْ يَذْبُلْ ؟،يا ترى؟ ما الشمسُ إذنْ لولم تَأْفُلْ ؟؟

لا تَنْتَظِرِينِي نَسْنَاساً أَقْبَلُ يَوْمَاً حتى أتَسَلْسَلْ

وَ يَـجِيءَ الناسُ إلى قَفَصِي لِيَـرَوْا عُشَّاقاً تَتَـحَوَّلْ

تتقافزُ كالقِرَدةِ عِشْقَاً وَ تَـمُوتُ هَيَاماً وَ تُوَلْوِلْ

لُمِّي أشياءَكِ وارتَـحِلِي بَحثاً عن آخرَ قَدْ يَقْبَلْ

أمَّـــايَ .. فلا ثَمَنٌ عِنْدَكِ تَقْبَلُهُ يدايَ لِتَتَكَبَّلْ

إن كان غرامُكِ لِي نَبْعَاً فَنِسَاءُ الدنيا لي مَنْهَلْ

وَ الجدولُ مُكْتَظٌّ جِدَّاً بِكَثِيرٍ مِثْلِكِ بَلْ أجمَلْ

فانطردي الآن من الجدول

غِيبِي وَ تَمَادَيْ في جَهْلٍ فأنا لا أعشقُ مَنْ يَجْهَلْ

إني بَحَّارٌ تَرْفُضُنِي كُلُّ الشُطْآنِ فَأَتَنَقَّلْ

اِعتدتُ السفرَ على مَضَضٍ وَ قَضَيْتُ حياتي أَتَجَوَّلْ

أرتشفُ بلاداً ونساءً فَهُنـا عَسَلٌ وهُنا حَنْظَلْ

وهنا عِشْتُ كَلِصٍ نَذْلٍ وَ هُنَا كُنْتُ نَبِيَّاً يُرْسَلْ

وهنا ذَبَحُوا شِعري عَمْدا وهنا شعري صارَ يُرَتَّلْ

وأنا والغُربةُ ما زِلْنَا نبحثُ عن وطنٍ لِنُظَلَّلْ

صادقتُ الغُربةَ في الغربةِ وقضيتُ سنيناً أَتَعَلَّلْ

بَرَّرْتُ جميعَ حماقاتي وَ ظَنَنْتُ بأني أتَجَمَّلْ

اليومَ أُزِيلُ عباءاتي وَ أُكَشِّفُ عن وجهي الأَوْحَلْ

مَلِّي عينيكِ بِلاَ خَجَلٍ فأنا الـمَوحولُ ولا أخجلْ

أَغْرَتْنِي أحلامُ الصِّبْيَةِ فَعَدَوْتُ إلى حُلْمِي الأمْثَلْ

وَ بدأتُ السفرَ بلا زادٍ وظننتُ بأني أتعجَّلْ

وَ نسيتُ اللهَ.. فأَهْمَلَنِي مَنْ ينسَى اللهَ وَ لا يُهْمَلْ ؟

حُمِّلْتُ بأثنطقِ الدُّنيا أهربُ مِنْ ثِقْلٍ للأثقَلْ

والتفَّتْ طُرُقِي مِنْ حَوْلِي واختلطَ الأَقْصَرُ بالأَطْوَلْ

واخْتَلَطَتْ أحْرُفُ لافِتَتِي فَوَقَفْتُ مَكَاني كالأخْطَلْ

لَمْ أُسْطِعْ حتى أُكْمِلَ سَيْرِي فجلستُ وحيداً أَتَسَوَّلْ

وَ بَنَيْتُ مَزَاراً وَ مَبِيتاً لا يَصْلُحُ إلاَّ لَلثُّمَّلْ

وَ قضيتُ حياةً واهِنَةً لا تَسْوَى في نَظَرِي خَرْدَلْ

فَعَلامَ تُرِيدِينَ بُكَائِي ،يا ترى؟ وَ أنا ذوقلبٍ مُسْتَعْمَلْ

أَبْلاَهُ الماضي لم يَتْرُكْ شيئاً لِبَلاءِ الـمُستقبَلْ

لا تَتَّهِمِينِي في عِشقِي فأنا أعشقُ حتَّى أُنْحَلْ

والجملُ وإن يعطشْ يصبِرْ وَ كَفِعْلِ الجَّمَلِ أنا أفعَلْ

أَهْلِكْتُ شَبابي وسنيني فَرَمَتْ بِي في صفِّ الكُهَّلْ

وَ وقفتُ بعيداً لأشاهدَ سيرةَ عُمرِي وهِيَ تُمَثَّلْ

حملوا خنجرَهم ودموعي لم تجعلْ أحداً يَتَمَهَّلْ

والتهبَ المسرحُ تصفيقاً وأنا أُطْعَنُ وأنا أُقْتَلْ

فَعَلامَ تظنينَ بِأنِّي آتٍ مِحْرابَكِ أتَبَتَّلْ ؟؟

دَوْرُكِ في الـمَشْهَدِ فَرْعِيٌّ بِوُجُودِكِ أودُونَكِ يَكْمَلْ

وَكِلانا مكتوفُ الأيدي وَ سِتارُ المسرحِ لا يُسْدَلْ

والـحُكْمُ الصادِرُ في أمرِي حُكْمٌ فَصْلٌ لا يَتَأَجَّلْ

فدعيني في موتي وَحْدِي فأنا والغُربةُ لا نُفْصَلْ

ما دامَ الوطنُ بلا شيءٍ فالموتُ على شيءٍ أفضلْ

فانطردي الآن من الجدول

قصيدة جحا

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
نطقك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تظل إنتى هبة النيل يا مزة
وكل يوم المية تبتر
يعنى ايه لما اشتكى غلوالفاتورة
يقولوتشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما فهمك ما يلاقيش يآكل فيطفش

يعنى ايه نحمل ايدينا بالسلام لجل الغزاة
ويعنى ايه لما ابقى ماشى في حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى في معركة قادش حموكى
وشفايفى دى اللى ما بطلتش في يوم هتاف
دة انا جميع شبر في أرضك اتمرمغت فيه
وكل يوم عشتيه
أنا اتغذبت بيه

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة

فهمونا بالعصاية
ورضعونا الخوف رضاعة
فهمونا في المدارس
يعنى ايه حدثة قيام
فهمونا نخاف من الناظر
فيتمنع الكلام
فهمونا ازاى نخاف
وازاى نكش
بس نسيوا يفهمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح في قلب العاشقين للمعشوقين
يعنى الغلابة يناموا في الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش في وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
اتىوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

وجحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد في طينك
بعد ما يمص في دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لوكنت عايز تحمى طينك
سوف أرحل
ربما يلقانى من ارجولقاه
هاسار ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

مش كفايه

طيراتكم مش كفايه
والمدافع مش كفايه
والقنابل والحصاروالحرايق والدمار
والدموع في عيون صغار
والجناين تظل نار
مش كفايه
ومش حكايه
لوعازينى مره اخضع
غيرونى
شوفه يمكن لودا ينفع
بدلونى ولما متلقوليش طريقه
قابل لومره الحقيقه
واقرومن قرانى ايه
تفهموا اصل الحكايه
انى بضحك على القنابل
موته جايه وقلبى قابل
تعهدوا انى القنابل والمدافع والشذايا
والسلاح اللى معاكم مش معايا
مش كفايه
موتونى الف مره
ومش كفايه
غصب عنكم بلادى حره وللنهايه
حدثه بخطها بدمايا
لليستشهد معايا
انى تمن الجنه ديا لوحياتك
مش كفايه

جوائز

مسابقة أمير الشعراء

في فبراير 2011 حصل على المركز الثاني في مسابقة أمير الشعراء المقدمة من مؤسسة زايد آل نهيان للأعمال الإنسانية والخيرية.

وكان الخج قد ألقى قصيدة الرسالة الأخيرة بعد حتى طلبت لجنة التحيكم من المتسابقين حتىقد يكون موضوع قصائدهم عن الحوار، وكان موضوع قصيدة الجخ عن ثورة 25 يناير وطلب هشام من الحضور الوقوف دقيقة حدادا على أرواح شهداء ثورة ليبيا.

نقد

اتهمه الشاعر عبد الستار سليم بالقاء قصائد شعرية من تأليفه دون الاشارة إلى ذلك مما يعد مخالفا لمقتضى أمانة النقل أوبعبارة أخرى (سرقة شعرية)، وذلك عرضه للمثول أمام القضاء في القضية التي حملها عليه عبد الستار سليم رغم مبادرته بالاعنذار. ولأن الشاعر عبد الستار سليم اصر على تقديم هشام الجخ بتهمة السرقه فقد اعتذر هشام الجخ أكثر من مره على صفحات الجرائد مثل جريدة الاهرام المصرية وعلى عدد كبير من الفضائيات مثل اون تي في والحياه ودريم التحرير ولقد تدخل عدد من معارف هشام في بلدته لعمل جلسة صلح بين هشام الجخ وبين عبد الستار سليم الذي اصر على مقاضاة هشام الجخ بتهمة السرقه، وكانت هناك لقاءه بين عبد الستار سليم الذي ظهر في برنامج مانشيت تقديم جابر القرموطي في قناة اون تي في وبين هشام الجخ الذي اتصل هاتفيا واعتذر على الهواء مباشرة وطلب من الشاعر عبد الستار سليم ان يصفح عنه ويتنازل عن مقاضاته بتهمة السرقه.

مرئيات

مصادر

• جريدة الدستور

http://www.egycafe.net/vb/egycafe27572.html http://forums.yallagroup.net/topic/31701-%D9%87%D8%B4%D8%A7%D9%85-%D8%A7%D9%84%D8%AC%D8%AE---%D9%85%D8%B4-%D9%83%D9%81%D8%A7%D9%8A%D8%A9/

وصلات خارجية

• صفحة هشام الجخ على فيسبوك