عريان السيد خلف (عقد 1940-5 ديسمبر 2018) شاعر شعبي عراقي ولد في محافظة ذي قار في قلعة سكر على ضفاف نهر الغراف، بدأ نشر قصائده مطلع الستينيات من القرن العشرين.

عمل في الصحافة العراقية وفي التلفزيون وفي الإذاعة وحصل على جوائز وشهادات منها. حاصل على وسام اليرموك من جامعة اليرموك من الأردن. حاصل على شهادة دبلوم صحافة، وهوعضونقابة الصحفيين العراقيين واتحاد الصحفيين العرب ومنظمة الصحافة العالمية عضوفي الحزب الشيوعي العراقي، كما أنه عضوفي جمعية الشعراء الشعبيين العراقيين.

استطاع ان يتواصل مع حركة الأدب الشعبي عن طريق طبع الدواوين أوإعادة نسخ ما طبع نشر عدة قصائد ذات مغزى سياسي رافض منها قصيدة القيامة التي وصف فيها مدينة كربلاء إبان أحداث الانتفاضة الشعبانية عام 1991 في وسط وجنوب العراق وقصيدة شريف الدم التي أهداها للإمام الحسين. كما ونشر قصائد سياسية في السبعينات كشفت عن هويته الفكرية مثل قصيدة نذر وقصيدة الشاهد خط للعديد من الفنانين العراقيين ومنهم فؤاد سالم وقحطان العطار وسعدون جابر ورياض أحمد وأمل خضير وعبد فلك. شكّل ظاهرة شعرية مع الشاعر كاظم إسماعيل الكاطع من خلال بعض السجالات بين الشاعرين كان آخرها قصيدة ما ترتاح التي يشير البعض أنّها اتىت ردًّا علىقصيدة الأخير المعنونة "ما مرتاح"، غير حتى عريان السيد خلف نفى هذا، قائلا حتى لا رابط بين القصيدتين.

يعتبر عريان السيد خلف اليوم من الرموز الثقافية الوطنية التي يعتبرها الكثير من العراقيين رمزاً للوطنية والمبدئية العالية وهواليوم يمثل أحد اقطاب الشعر الشعبي في العراق بالإضافة إلى مظفر النواب وكاظم إسماعيل الكاطع وعطا خميس السعيدي. أعرب عن وفاته في يومخمسة كانون الأول 2018 في مدينة الطب في بغداد.

الشعر

دواوينه

- له عدة دواوين شعرية منها

• الكمر والديرة.
• كبل ليله.
• أوراق ومواسم.
• شفاعات الوجد، بالاشتراك مع الشاعرين مظفر النواب وكاظم إسماعيل الكاطع
• صياد الهموم.
• تل الورد.
• القيامة.

قصائده

سيد العفة

ونطقها معاتباً وراثياً زعيم الفقراء عبد الكريم قاسم:

يا سيد العفة ويا نزيه الروح
ويا رمز الشجاعة.. الحّد تواليها
يملاگي الرصاص عيونك مورثات
زلم الغدرتك.. ما افترض زلم بيها
الزلم تولي وتعف.. وانتَ الطلگت ارگاب
جان الموت حگ مفصّل عليها
ومن ضاگت عليك.. انتفض شيب وشاب
أهي غضبة شعب داس على راس الموت
وشبت نار كبره.. اشلون تطفيها
بغداد بأسرها.. اش ماحوت من ناس
شالت رايتك وتريد راعيها
يا شاطر غلطتك كلفتنا ارواح
والغلطة الجبيرة شلون نمحيها؟
يا غرة بياض بگصة التاريخ
جسدت الرجولة بكل معانيها
لاگيت المنايا بهيبة الفرسان
ما دورت حفرة... وعفنّت بيها
يا لگبرك صرح بگلوب جميع الناس
شلك بالگبور الرِجل تاطيها.....

منهوانته؟!

منهوانته .. ،يا ترى؟ منهوانته .. ؟

اوجالغريب ... اعرضت عني !!

.. اوضيعت كَلبي .. اورجفته

آنه ، من جافاه خله .. اومانصح

.. وياه وكته

آنه زين .. اوشين .. لأجلك

غلّست عنه .. اوحملته

كورت .. حسرات كلبي .. اوشوكَي

.. بين اجلاي ، جبته

اوجيتك .. ابتله مرشد ..

المايعن .. واشكثر لمته

جيتك .. اوجرني الهوى ..

اوطاعة .. ذليل الشوك ،

طعته

اوجنت . اظنك .. طيب .. اوجفك

على الطيبات ، فلته

حسبّت لسه اعله حالك .. اريحي

اوذاك الوفي انته

حسبت .. غم الوكت .. يا رخص

الحساب الحسبته

جيتك .. اوحسبالي اخو..

اوسمت الاخو.. يطلب

ابدرته

يا ونين المانفع .. جارد صخر من

مات ، لاخته

اوياحسرتي الطوّلت .. ومكَضي

ليل اجفاك .. سكته

صابر .. اوذوّب سواد العين ..

صبري .. اوما جزعته

وانته ابد .. ما جنك انته حتى

يومن كوضّت كَلبي اوبلايه

اوداع عفته ..!!

وآنه اجيتك .. واليجيلك ابزوم

عاني لشوفتك .. ليه ما عهدته ؟

لا تلكَيته ! .. بسلام احباب ..

ومحاضن حضنته

اولا بجيت الحالته .. اولا نشّفت

.. بايديك دمعته

اولا كَطعت النفس منه ، اوطردة

الضايع طردته

اولا نشدته ! .. هذا المتاني الوفه

.. هلبت يناهي .. اعهدت

قصته

يا ندمته ، يا فشلته اشكَد تعب ؟

تالي ابجحف مكسور .. بعته

نذر

ادك روحي .. نذر للجايب

ابشاره

واورجه اعله الجروح ، المالهن

جاره

جرح ينزف .. جرح باني .. اعله

بسماره

- خجل .. والمايخاف اللوم.. يرضه

ابذلته وعاره

يالمبشر .. مته المكَصوص جنحه

ايطولن اكَصاره ؟

ومتى الوكت التراده ، ايبدل

اطواره

ومتى العايش غريب ، ايأمن

ابداره ... ؟

دَفك عينك ، زمانك ليل ..

ليل .. ايريدله انطاره

ولا كلشي الجليته ايطيح زنجاره

ولا حدثن يموت ايضيع تذكاره

هلبت .. مات

(جيــــفاره .. ؟)

اوهلبت .. (هوشي منه )

انكَطعت اخباره ..؟

عمت عين الوجاغ الماتشب ناره

ولودنياك غداره

ولو.. جرحك .. جرف تعبان ..

تغفه الآخ باكتاره

لجن .. بيه العتب شاره

امن اشوفن : دانك السفان ..

صار الروج .. حدّاره

يهلتشبر ، خيال الليل .. وترد

كَاصره اشباره

اعله هونك .. بيه الك حسبات

كلها اغيوم مطاره

ابدمع ، يا دمعة المهظوم .. ما

ما تعتاز .. تسياره

.......

اعله هونك .. من يهاب

السيل .. لوينخاض

تياره

اعله هونك .. من تربّه اهلال

.. غطت غيمته انواره

دَذر ، جرح الصبر بارود ..

خل يتباهن اكتاره

آنه الجرحك .. عشت مجروح ..

وانته .. ابعشر معشاره

الم بيه الوجع نيشان ثاير ..

ما يرد ثاره

واهزك هزة المطعون ، من تتلايم

اكتاره

اعله وكتك والوكت مشوار ..

غمّه الباع مشواره

واداري العيب تتداره

اداري العين .. وانته العين

.. والدم .. اورفيف

الدم

اداري الآه .. انته الآه ..

وانخه الروح .. لا تهتم

اداري الحيف .. جميع الحيف ..

ظل بيك الحلم .. يحلم

اداري اوكَضت روحي انذور ..

لاوِد لا ضم يلتم

يهاوي الروح غم الروح كون

ابشان ما تحلم

لَوَن .. شحت دموع الغيض ..

خل دمع العتب .. يلتم

ندامه ، اعله الشرف .. ينداس

والداس الشرف .. يسلم !؟

ندامه ، اوعزّة المندوم .. وكت

الثار .. يتحزم

فشك .. والمافهم معناك ..

بزمور التفك .. يفهم

اوجرعنه .. اشجم شكل

علكَم .... ؟!

وِنِت طيف المحبه .. اوشوك

الولايه

انت .. زخات غيمه .. ابكَاع

صبخايه

يشاتل بالكَلب دايات .. دايه

اتلوب .. من دايه

يبوالشط التعيش اوياك ..

قصته .. طينته .. اومايه

اشتكَل للطاح .. بين ارماح .. كلها

اوياه كَصايه .. ؟

اشتكَلي ،يا ترى؟ .. اوبيك روحي اتموت

وترد .. بيك تتحايه

ابرجاها ولوكسرها ايجيد .. تصرخ

وين جباره .. ؟

اوثكَلها .. اوعادة المضهود .. بالمعبار

.. يتباره

ولو.. جرحك جرف تعبان ..

تغفه الآخ .. باكتاره

لجن .. شانت على المذبوح .. دمه

يضيع فجاره

ردي

ردي .. ردي

ياضعن شت عن هلة ، اوحدّاي

غربة .. البيه يحدي

ردّي .. ينباع العشك .. والياكَلب

تهوين صدّي

لا تهيجين الجروح .. اجروحي من تنلجم

... تدّي

وانة من دم اولحم .. مومن صخر

جبدة العندي

ردّي .. مليت الصبر .. وامكَاطر

الدمعة .. اعلّة خدي

وانة .. خلاني الوكت .. ناعور

بس اترس .. وابدي

جورت ليل الصبر . واعجزت منه ..

واهذا حدّي

بلجي من يغفة الجفن .. ما جلمة

التنكَال ، بعدي

انة موش اول زند .. يشتل

شلب .. ويحصد بردي

اولانة بس اتغربت والمعتنيلة ..

ايصير ضدي

ردي .. ردي

مالي حيل امعاتبج .. وانه العليج

اديت جهدي

غلّست .. عن الكَلت والكَال ..

كَمت اسمع .. واعدي ..

اوصابرت صبر الطفل .. شربي الطفل

والحزن مهدي

واحملت ليل العطش .. وانه العيون

السود .. وردي

اوساهرت .. طول البعد لمّن

عشكَت اليال .. سهدي

والله جا مل اوجزع .. لوقصتي ..

اعلة ايوب تسدي

ردي ..وانة .. موطبعي العتب

عالما حلاله .. ايصون عهدي

يا رخص ذاك الجدم . كون اعله ياهو

الجان .. يبدي

اويامناحه ذلتي .. اوليل الكَضيتة

ادموع وحدي

وانه .. من دم .. اولحم .. مومن

صخر جبدة العندي

انه خلاني الوكت

ناعور

بس .. اترس وابدي

لا تجينه

لا تجينه ..

لاتجينه .. جان كَلت ابوجه الابيض ..

غير معشركم لكَينة

جينة مشتاكَين .. وبلهفة ..

اوتسد بابك علينه

جينه ايدفعنه الهوى .. اودمعاتنه

اتكَطر بدينه

اوجنت اظن عندك وفه .. اورحية

من فرد طينة

غمكَت جرح الجفة .. اوزدت ..

الكَلب ونه لونينه

اعتب اعله الروح .. جي لنها اعله ..

ريحتكم حنينة

واعتب اعله الشوك .. والعشرة ..

اوسوالفها الحزينة

فهمتني شلون يتبره .. الخوي ..

اوحمل اليكَع محد يعينه

عفية صحبة هالوكت ..

بيها اليجافي .. اشوكح عينه ..

اولاتجينه .. !!

- ما اجيكم واليدك

بابك ، بعد تنشل يمينه

اوجينه .. مدري الجدم زل بينه

العه دربك .. لوعمينه

اوجيت ارد اروحي .. البكَت سنتين

بديارك رهينه

اوجني ضيف ! اوعادت الينضاف ..

للخطار .. يرخص ماي عينه

وانته .. ما جنك ربيت ابماينه ..

اوشارب حنانه

وانكرت حتى العهد ..

يوم الوكت .. .. بيدك رمانه

عفيه كَلبك هلبت ابساعه .. وفه

.. ابالك طرانه

اوجينه نشجيلك .. عذاب اجروحنه

.. اولوعة هوانه

آخ .. يا دمعك فلا يبطل .. يهل ..

لمن عمانه

يا عفه اكَلوب التشيل .. الظيم

وشنحمل عفانه

اوحتى اعز الناس من طحنه ..

ابهظم جاروا علينه

اومن وصلنه الدارهم كَالوا

اشجابك ؟. لا تجينه

عفيه صحبة هالوكت بيها اليجافي

اشوكح عينه

كوه

كَوه .. كَوه اتريدني العذال ارد

للشوك واهوه

اوما دروني اضحك ضحك .. مجبود . جالمجبود كَوه

اومادروني .. اسحن سحن بالروح ..

واخزن هالعذاب ابسمل جلوه

خايف السان البطر ، واضحك .. جذب .. والنار جوه

اوصابر .. اوروحي ابملام اللايمين ..ابتلت بلوه

حارت اوياهم ، يذكروها .. المضه .. اوكَالوا : اشدعوه ..؟

واصبحت مثل اليهد .. اوحيد ..

جدام الزلم .. وبعازة اخوه

ينولي .. اوخالي الظهر ، مهظوم

بدموعه ايتجوه

ذكرت روحي ابتعبها .. الضاع .. جالهويه

ابشبج ، والراح فدوه

ونت .. اوونة توالي الليل .. للمالوم سلوه

بارت .. اوجاري البزل .. شيفيد من يحرن ابعلوة .. ؟

اودورت صاحب كَلت : بلجي امن المجافينه اشوه

لنه ركَطة خيط .. وبسم الثعابين .. يتطوه

ارد اشج روحي .. ابرمح .. حسرات ، من تذكر الخوه

وارد اصيحن : تايب .. امن الشوك .. ما ظل عمر يسوه

=ما أفيدك

ما افيدك

يالعز دمعك .. شلك بدموع عيني ؟

اتريد ازيدك

لا توصي الناس وتكلف كَلب .. تعبان

.. كفارة بريدك

لا تذوب شمعة العشرين .. والعشرين ..

جالزنجيل بيدك ..

لا تحط نفسك شكَص نوجات .. وانته

حجاية العاذل تصيدك

لا تحط كَلبك على الصوبين جميع وصله

.. بكتر وتكَول : اريدك

يالشلت كَلبي.. اولظمت الخيط ..

بجروحه .. اعله جيدك

يالتظن .. حسنك ملك .. عالناس

.. والوادم عبيدك

ما افيدك .. ! آنه راضي ابحالتي

اوحالك .. عله ويصعب مناله

مغتر .. اوطبعك عَوَج .. متصلب

اويصعب عداله

انته دمعك بالمثاقيل انشره .. اودمعي

اليهل .. محد بجاله

انته عنبر . وآنه صم ادنان .. وانباع

ابرخص ، محد بحاله

يالسكن وسط الكَلب .. ويوك

متغاوي ابدلاله

انته فاله .. ركشت ابكَلبي .. اولجت

نابين .. واكَعدها الدهر للجنّة اجماله

واصبرت راضي ابعذاب الروح ..

والسكته .. اصبحت وياي

حاله

يلي جامع بين طبع .. الذيب ..

واوصاف الغزاله

حلو.. اوعادات الحلو.. من كثر

ما يغتر .. يجط لوله اجماله

ماله وكتي اواياي ، ورطني ابعشك

جذاب ... ماله .. ؟

شَفِج .. بس ابدفكَة الدمعات ..

خلاني اعله باله

جالغريج الجرته الخورة .. لغميج

الماي .. واتعذر نتاله

يلي جنت اوياه .. متساوي السهم ..

والوكت حطني .. اوراح شاله

اتنزرت روحي .. اوصفت تعرض عن

اسمك .. ما تريدك

يالحسرتي اتونسك .. ومجاذب

الحسرات عيدك

ما افيدك

غريبة

يا غريب اذكر اهلك - والكَالها

.. ابحجية ايتنكّت

هيّج اجروح الكَلب .. والعين .. كت مهضوم .. كتت

ذكروّها .. واعادة اليذكر يحن .. والروح .. لاهل الروح حنّت

ونتّ ..

اوماظن مثل ونها .. الصخر .. خنساه ونّت

صبّرتها .. اوكابرت عالظيم .. والكابر .. يظل بسكوت .. ينهت

طاحت ، اوفوك الفشل .. بمصابها الشامت .. تشمت

شلون ذلت .... ؟

اخ ياروحي .. الكّبل جانت عزيزة شلون ذلت .. ؟.

ملت امن اونينها .. اوعذّالها..امن اللوم ملّت

واصبحت .. مثل الرشة المتروك من يشله .. جليبة اوحنت..

اوعاداة المحبين .. لوحن المحب .. يطلب حبيبه

يالتريدين الولف .. ولف الجفاج .. امنين اجيبه

كافي غيبه .. كافي .. جلمات العتب عالناس .. ياروحي الغريبة

يالمثل دلّه استوت بوجاغ ما يخمد لهيبه ..

يالتظنين .. ابعظم بلواج .. ما صارت مصيبه

هذا سهمج .. والسهم لوعات والخانه الوكت يرضه بنصيبه

اوهذا طبع الناس .. بيهم بلاوفه اوبيهم وفي .. اتجيبه الحليبه

وانتي لا جف الينشف العين .. لا دار الولف .. يمج جريبه

يالحسرتج . حسرة المجبود .. وادموعج تبدّت

يالعلى اجروحج .. اعز الناس .. من شافت ، تشمت

يالتظنين الضم .. يلتم .. ضم عزّج .. تشتت

أدنانه

هذاك آنه .. الكَطعتي الماي .. عنه ..

اوعاش باحزانه

هذاك آنه - الشراع .. الماكسر نوماس

سفانه

اوهذاك آنه - الربط بالمستحة

اِلسانه

اعت روحي .. اويعتها الشوك ..

واشتلها اعله بنيانه

ابصبر .. بلجن ، يمرها الطيف

ياخذها اعله جنحانه

اويوديها لولف مامون .. تغفه ..

ابطيب ريحانه

اوهذيج انتي اشمجالب بيج .. لنج ..

طالعه دنانه

اشرخص بيع الرخيص .. ايصير

لوما ثكَل ميزانه

يسرّي الجزع كتمانه ..

اوهذاك آنه - الونينه ايدلي ..

المتيهين .. لوضيعوا عنوانه

اوعذابه .. اولاعذاب ايوب ..

مر مره .. اعله بيبانه

اوعتابه .. اويا عتب ، جندوب ..

متعلك عَلَه اردانه

ايعمت بيك .. ايتسله وياك

واترده اعله ديدانه

وجد .. واملاوح الدمعات ..

مل اعيون ندمانه

اوهذيج انتي .. الخطيه .. المارضت

تغفر خطايانه

اورمتنه .. وحملتنه اهموم .. فوك

.. اهموم دنيانه

اوجفت .. لا بخّت الملهوب .. ولا وجّت

بكَايانه

اوهذاك آنه .. هرش لوشح

عليه الماي .. كَوة ايعيش

باخزانه

عاذرك

كاسرت عمري اعله عمرك

كطعت ليش . . وحِـركتك

جويه مني وجويه منّك

ونتشيت . . استاهلك . . شهكة عوافي

وخيّبت ظني . . وصدك ويّاي ظنك

ماكلت عنك . . عرك جفّك ابجفّي

ولا كلت جاسك زعل . .

واشتعل دمي ابنار دمّك

أصعر . . وتستسهل . . اتشاغل خيالي

وياخذك غيّك . . خرز خلخال . . تِـطّــشّـر وألمّك

ومدري ليش . . أتمايزك وردة اكرنفل

اِتّيه روحي ابريحتك . .

واحتار من ياصفحه اشمّك

أختلي ابحسنك . . وافج كلبي واطلعك

تلعب ابعمري . . وخاف الغير يندلّـك وأضمّك

خاف تاخذني . . اعله بستانك فرحِتي . .

وخاف تكبر حيرتي . .

وحسنك يغرّك

خاف تِطشّر ولك . . وشلون المّك ! ؟

كالو : ايحبك ! !

كلت من شاف كلبه ؟

وجبّست دمعي . .

وسكن نبض الكلب . .

عن لا يذمّك

تِرسْ جفّي . . اسوالفك وحده اعله وحده

وعرك جيدك زمزمي . .

وخجلان تتعذّر !

واكلّك : لايهمّك

من تجِسني اشفايفك

تاخذني غيبه !

ومن تِرِشْني ابمزنِتَك . . ولهان افز . .

لن روحي يمّك ؟

اختلي ابحسنك . . وأفج كلبي واطلعك

تلعب ابعمري . . وخاف الغير يندلّك وأضمّك

وخاف تطّشّر خرز . .

وشلون المّك ؟

اشجان ضرّك . .

تختصر بعدك عليه ؟

وكلّي شكرات وحمد

للمختصر . . حسنك ابخصرك

تشرب معافي . . حناني ولهفتي

وتسكر ابدمي . .

وتنتشي ابغيّ الشذى . .

وتتعزّل اعزال من اجرّك

من جمعني وياك ؟

من شدني . . ويه طولك . .

طعّمك بيّه

وصرت حلوك ومرّك

لنها ما بالغبشه . . غبشه . . ابغير عينك

خاف اترزبيك .. حد كطع النفس

وازهك واضرك !

خاف تطشر خرز ..

وشلون المك ؟

ومن كبل .. جميع شوكه عمري من الطوارف

حسبت مثل الوداد .. الفات ودك

من كبل .. وآنه الورع كحل اجفوني

وجنت اظن :

وكت التهد بيه روحي اهدك ..

لني حدثا فززن صبري الليالي ..

وخان وكتي

اتوسلك .. هدوة كت خليني عندك

اوعاذرك .. لوهدل عودك ..

من كدر يحمل حسن مثلك وكدك ؟

غاذرك تغلط ابحكي ..

وتبخل ابظلك على النايم ابسدك

عاذرك تغتاض ..

بس من غير شاره ..

وشارتك هالبينت

ودخيل جدك

عاذرك .. عن لايهم كلبك ابهمي

وتنترس عينك دمع

وتنترس عينك دمع

أخذني وياك

جملني بعد كطره وخذني وياك

هناك الفيض كلبك

حتى روحي تنام

عصفورة جرف بلل جنحها الكيض

اخذني وياك

امشي ابغير واهس

والطواري كصار

وعيوني غرب وجفوف اديه اوداع

واسمي ابغير معنى

وميل كحلك غاب

وتنشدني اعله كلبي !

كلبي حب وذاب

ياكلبي حلك تنور لوسرداب ؟

صوغني ولومن ليلكم نجمه 00

تبات وياي

ومن تشبع سهر

ويجيسها الوهواس

اطفيها ابصبح

والغبشه رشكه ماي

واشعلني ولع

يدوي العطش بالعود

حتى انزع جلد روحي

وارد لصباي

أملني الفرح بسمك ورد عالباب

فاحت ريحتهولنك بعد ماجاي

بعد ماجاي !!

من ياصوت أصيحك ؟

والصدى ايجاريك

واكلك : مكدرت يالتكدر ابلياي

سماته الشعرية

خط الشعر بنوعيه الشعبي والفصحى. يهتم باستخدام المفردات العامية الغريبة على اذن الجمهور العراق سعيا وراء عسر الفهم ما يهجر انطباع التخوف من شعره وصولا إلى خلود وهمي لقصائده.

المصادر