عفراء علوي محمدي- كود//
كشف العثماني أن المغاربة اللي كيجيو من برا كيديرو الحجر الصحي فالفنادق لمدة 9 أيام، حسب البروتوكول الجديد ديال وزارة الصحة وبمجرد وصولهم كيديرو التحاليل المخبرية PCR باش يتم الكشف واش مصابين بفيروس كورونا المستجد ولا لا.
وكشف العثماني، اليوم الثلاثاء، فجوابو على أسئلة حول وضعية المغاربة العالقين خارج المغرب بمجلس المستشارين، بللي المغاربة اللي جاو من الجزائر كانو دايرين الحجر ففنادق بالسعيدية، بينما اللي جاو من اسبانيا داروه فتطوان، واللي جايين من توركيا اليوم حتى هوما غايديروه فتطوان، كيف تكلم على عودة بعض المغاربة العالقين فجزر الكناري، اللي دارو الحجر ففنادق بالعيون.
وقال بللي كاينة عملية ديال انتقاء المغاربة العالقين كتعتمد مجموعة من المعايير “الأولوية للناس اللي عندهم تأشيرات قصيرة المدى، مرا حامل أو أم خلات ولادها، مستخدمين عندهم ضغوطات مهنية، وكَاع الناس اللي تقطعات بيهم الحبال”.
