نجوى المالحي-كود//
إلهام العرباوي “ايلي” خرجات أغنية جديدة بعنوان “بابا” وصلات فيها رسالة للأب ديالها عبد العزيز الستاتي لي مقاطعها هادي دابا سينين، على الله تكسب الود ديالو.
بنت الستاتي خرجات أغنيتها الجديدة على شكل فيديو كليب، استعنت فيه بممثلين، طفلة جسدت دور البنت ورجل كيتشابه مع باها جسد دور الأب.
إلهام العرباوي كانت صرحت أكثر من مرة أنها بغات تصالح مع باها، وقالت أنه كيرفض أي تواصل معاها وهي ديما كتطلب منو السماحة.
