رفض أمير توفيق مدير التعاقدات بالنادي الأهلي الحديث عن ملف التعاقد مع رمضان صبحي لاعب نادي بيراميدز الحالي وعدم استمرار اللاعب مع القلعة الحمراء بعد انتهاء فترة اعارته.
وقال امير في تصريحات لبرنامج جمهور التالتة أمس الاثنين "ممكن أتكلم في الموضوع ده كتير ونروح ونيجي ونقعد نكلم، بس أنا مسؤول في النادي ومش عاوز أتكلم في القصة دي خالص".
وتابع "الأهلي بطل افريقيا واخدنا اللقب ده من غير رمضان صبحي، موضوع رمضان اتقفل تمامًا وياريت منتكلمش فيه تاني".
وأضاف امير "الي فارق معايا هو ان اللاعب الي في الفريق دلوقتي يكون موجود في الأهلي يبقى عارف يعني ايه النادي الأهلي وبيقدر النادي بجد، بالأفعال مش بالكلام، ويكون طموحه هو النادي الأهلي مش برة الأهلي".
واستكمل "قولتها على فايلر وبقولها تاني، أي شخص جوة النادي الأهلي سواء كان لاعب او مدرب او مسؤول، الي هيفهم أو يتخيل انه أكبر من النادي الأهلي مينفعش يكون له مكان في النادي".
