بث "تليفزيون اليوم السابع"، تغطية خاصة من إعداد إسراء عبد القادر، وتقديم رغدة بكر، والتي استعرض خلالها أبرز التصريحات التي قالتها الفنانة شيرين عبد الوهاب أمس في أول ظهور إعلامى لها، عقب أزمتها الأخيرة بعد انفاصلها.
وتابعت التغطية الخاصة أن الفنانة شيرين عبد الوهاب، قالت إن لديها في منزلها "عفاريت" تستضيفهم وتتعايش مهم، على حد قولها.
وأضافت خلال تصريحاتها : الحاجة تبقى قصاد عيني كدة وفجأة تبقى مش موجودة، فببتدى أرحب بيهم وأجيبلوهم حاجة يشربوها، والحاجة تظهر على طول، وبيحبوا أدلعهم علشان الحاجة تظهر".
وقالت: "أوقات أسمع حاجة بتناديني، برد السلام وأقول أيوة حاضر أنا جاية أهو، أنا مش بخاف، ومش بروح، برد السلام عليهم بس".
كما استعرضت التغطية الخاصة أنه ردت الفنانة شيرين عبد الوهاب، على سؤالها عن شعورها في وجود ابنتيها مريم وهنا بجوارها، وقالت: "حاسة بسنين حلوة، حاسة بالسنين اللي عدت إن أنا استثمرت حاجات حلوة للدنيا وليا، هما دول سنيني اللي فاتوا".
وأضافت "الصغيرة دي ممكن تلاقيها رئيسة وزراء بلد معينة مثلا، أما التانية عاملة زي الراجل الذكي اللي عارف بيعمل إيه، أنا بعاملهم الاتنين زي أخواتي مش بناتي".
وقالت: "مريم بنتي رسامة ماهرة، وهي طالعة ليا بتحب الحلويات جدا، وهما الاتنين شاطرين جدا وبتفاجئ بدرجاتهم دايماً، وهنا دايما بتقول مواعظ، وهما ساعات بيكون عندهم حفلات في المدرسة، وهنا كان عندها حفلة وأنا كنت في وقت اعتزال، قولتلها مش هروح الحفلة، الناس هتسألني أنتي فين؟ قالتلي طول ما بتفكري في الحاجات الوحشة هتحصل، استنى لما اللحظة دي تيجي".
